اقتاۋ قالاسىنىڭ كوشەلەرىنىڭ بىرىندە ايەلدەرگە ارنالعان كويلەك كيىپ، باعدارشامدا "جارقىراپ" جۇرگەن ەر ادامدى پوليسيا قىزمەتكەرلەرى قۇرىقتادى دەپ حابارلايدى Qamshy.kz اقپارات اگەنتتىگى lada.kz سايتىنا سىلتەمە جاساپ.
پوليسيا قىزمەتكەرلەرى بۇل ازاماتتى 2-ىقشاماۋداندا ورنالاسقان "الاتاۋ" ساۋدا ورتالىعىنىڭ ماڭىندا ۇستاعان. ۆيدەودا الگى ازاماتتىڭ ءتارتىپ ساقشىلارىنا بارىنشا قارسىلىق كورسەتىپ جاتقانى بايقالادى. ءتىپتى، ونى پاترۋلدىك كولىككە وتىرعىزۋ ءۇشىن كۇش قولدانۋ قاجەت بولعان.
كۋاگەرلەردىڭ ايتۋى بويىنشا، جەلىدە تانىمال بولعان كويلەكتەگى ازامات بىرنەشە رەت اۋەسقويلار كامەراسىنىڭ نىساناسىنا ىلىككەن.
پوليسيا دەپارتامەنتىنىڭ مالىمدەۋىنشە، بۇل ازاماتقا قازاقستاننىڭ اكىمشىلىك كودەكسىنىڭ "كىشىگىرىم بۇزاقىلىق" بابى بويىنشا ءىس قوزعالىپ، جاۋاپقا تارتىلماق.
ۇسىنعان: ادىلەت مادەنيەت
پىكىر قالدىرۋ