مەككە بۇكىل الەمدەگى بارشا مۇسىلمانداردىڭ قاسيەتتى شاھارى ەكەنىنە قاراماستان مەككە تۋرالى ءبىز بىلمەيتىن بىرنەشە فاكتىلەر بار دەپ جازادى Qamshy.kz اقپارات اگەنتتىگى.

1. بۇل قالادا اڭشىلىق جاسالىنبايدى. ءتىپتى بۇل قالانىڭ بۇتاعىن سىندىرۋ كۇنا جانە مۇندا جوعالعان بولماشى زاتتى يەمدەنىپ الۋعا تىيىم سالىنعان.

2. ءزامزام سۋىن ىشكەن جاننىڭ تىلەگى قابىل بولادى. مەككەدە ورنالاسقان ءال-حارام مەشىتى اۋماعىندا زامزام سۋى ءبىزدىڭ ەرامىزعا دەيىن 2400 جىلى تابىلعان دەپ سانالادى. ول حايدجار مەن ونىڭ ۇلى يسمايلعا تيەسىلى بولعان. كوپ ۇزاماي، حايجار مەن يسمايل بارشا مۇسىلماندارعا قاسيەتتى سۋدى ىشۋگە رۇقسات ەتكەن.

3. مەككە ەشقاشان يسلام يمپەرياسىنىڭ استاناسى بولماعان. الايدا، مۇسىلمان بيلەۋشىلەرى "مەككە مەن مەدينانىڭ قامقورشىلارى" دەگەن رەسمي اتاققا يە جانە قالانى تۇراقتى تۇردە قامتاماسىز ەتىپ وتىرادى.

4. بۇل "قاجىلىق" ورىندالاتىن جەر بەتىندەگى جالعىز مەكەن. مەككەنى ساف-ساف بولىپ پەرىشتەلەر قورعاپ تۇرادى. تاۋ-تاۋ كەشىرىلمەستەي كۇنا ارقالاپ، پەندە مۇندا اناسىنان جاڭا تۋىلعان سابيدەي پاك بولىپ، ۇيىنە ورالادى. مەككەگە اللا شاقىرعان ادام عانا كەلەدى، ءارى مۇندا كەلگەن ادام اللانىڭ قوناعى بولادى.

5. ادامنىڭ ويى دا كۇنا بولىپ جازىلاتىن جەر بەتىندەگى جالعىز مەكەن. بۇل جەردە ميلليونداردىڭ كۇناسى توگىلەدى، زاعيپتىڭ كوزى اشىلادى، مۇگەدەك اياققا تۇرادى، قينالعاننىڭ جولى اشىلادى. بۇل ايماقتاعى 1 ناماز باسقا جاقتاعى 100،000 نامازعا تەڭ كەلەدى. ءارى مۇندا جاسالىنعان تىلەكتەر مەن اللانىڭ اراسىندا پەردە بولمايدى.

6. مەككە قالاسى بۇرىن "باككا" دەپ اتالدى دەگەن دەرەكتەر بار. دەگەنمەن، كەيبىر عالىمدار "باككا" دەگەن اتاۋ مەككەگە ەمەس، جاقىن ماڭداعى جەرلەرگە قاتىستى دەپ ەسەپتەيدى.

7. قاسيەتتى قۇراندا مەككە "ۋمم ءال-قۇرا" دەپ اتالادى. اراب تىلىندەگى ۋمم ءال-قۇرا اتاۋى "بارلىق ەلدى مەكەندەردىڭ اناسى" دەگەن ماعىنانى بىلدىرەدى. قازىرگى ۋاقىتتا قالا ماككا ال-مۋكارراما دەپ اتالادى. ونىڭ ماعىناسى "مەككە قۇرمەتتى" دەپ اۋدارىلادى.

8. مەدينانى پايعامبارىمىزدىڭ (ساللاللاھۋ ءالايھي ءۋا ءسالام) تۇراعى دەپ اتايدى، دەگەنمەن مۇحاممەد پايعامبار ءومىرىنىڭ كوپ بولىگىن مەككەدە وتكىزگەن. پايعامبارىمىز وندا شامامەن 50 جىل ءومىر سۇرگەن.

9. مەككە - اللانىڭ ەڭ العاشقى اياتى تۇسكەن قالا جانە ادامزات بالاسىنىڭ ادام اتادان باستالعان التىن بەسىگى. بارشا الەم مۇسىلماندارىنىڭ ءجۇزى بۇرىلاتىن قۇبىلا وسى قالادا. سەن بۇل قالادا ءجانناتتان تۇسكەن قارا تاستى ءسۇيۋ باقىتىنا يە بولاسىڭ.

10. قارا تاس مەككەدە ءارقاشان تۇرماعان. 930 جىلى ونى كارماتتىقتار سەكتاسى ۇرلاپ، شىعىس ارابياعا الىپ بارعان.

11. انگليانىڭ "The Telegraph" گازەتى مەككەدەگى «ءال حارام» مەشىتىن الەمدەگى ەڭ قىمبات عيمارات دەپ اتادى. قۇرىلىستىڭ جالپى قۇنى 100 ميلليارد دوللاردى قۇرادى.

12. ەڭ قىمبات عيماراتتار تىزىمىندەگى ەكىنشى ورىن مەككەدە ورنالاسقان ابرۋح ءال-بايت. سونداي-اق، Abraj Al-Byte عيماراتى "الەمدەگى ەڭ ۇلكەن قوڭىراۋلى عيمارات" جانە "ەڭ ۇزىن ساعاتتىق مۇنارا" دەگەن اتاقتاردى قوسا العاندا، باسقا دا الەمدىك رەكوردتارعا يە.