وزدەرىن "قارا جيلەت" دەپ اتاعان زاڭسىز يمميگرانتتار فرانسيا بيلىگىنەن وزدەرىنىڭ دەپورتاسياعا قارسى ەكەندىگى تۋرالى جانايقايىن ەل باسشىلىعىنا جەتكىزە الماي وتىر دەپ جازادى Qamshy.kz اقپارات اگەنتتىگى لايف سايتىنا سىلتەمە جاساپ.

نارازىلىق اكسياسىنا بايلانىستى 100 شاقتى يمميگرانت پاريجدە ورنالاسقان شارل-دە-گولل اۋەجايىنىڭ ەكىنشى تەرمينالىن باسىپ الدى.

كۋاگەرلەردىڭ ايتۋىنشا، نارازى قاۋىمنىڭ تالابى – Air France باس ديرەكتورى جانە فرانسيانىڭ پرەمەر-مينيسترى ەدۋارد فيليپپەن سويلەسۋ.

400 يمميگرانت ەرەۋىلىنىڭ ۇيىمداستىرۋشىلارى "لا شاپەل!" الەۋمەتتىك جەلىسى ارقىلى نارازىلىقتى قولداۋعا شاقىردى. "قارا جيلەت" اتىن بەرگەن ۇيىم Air France اۋە كومپانياسىنىڭ باشىلىعىن  "بيلىك ساياساتىن قولداپ، وزدەرىن وتانىنا قايتارۋدى قولداپ وتىر"  دەپ ايىپتاۋدا.

اۋدارعان: يلدار اديلچەنوۆ