وسىدان بىرنەشە كۇن بۇرىن جوعالعان تالعار اۋدانىنىنىڭ تۇرعىنى 18 جاسار ايگۇل امانگەلدى ءولى كۇيىندە تابىلدى دەپ حابارلايدى Qamshy.kz اقپارات اگەنتتىگى rozysk_kz Instagram-پاراقشاسىنا سىلتەمە جاساپ.
جوعالىپ كەتكەنى تۋرالى حابارلاندىرۋدا - "تابىلدى، قايتىس بولدى"، دەپ جازىلعان. ازىرگە ەشقانداي اقپارات جوق.
ايگۇل امانگەلدى 13 مامىر كۇنى بەلبۇلاق اۋىلىنداعى ۇيىنەن الماتى قالاسىنا ساباققا بارامىن دەپ شىعىپ، ءىز-تۇزسىز كەتكەن. قىزدىڭ جوعالعانى تۋرالى اقپارات تالعار اۋداندىق پوليسياسىنا تۇسكەن. حابارلاندىرۋدان كەيىن دەرەۋ ىزدەستىرۋ جۇمىستارى جۇرگىزىلدى. ىزدەۋ امالدارىنا وبلىستىق پوليسيا دەپارتامەنتىنىڭ قىزمەتكەرلەرى، تج قۇتقارۋشىلارى، "قوعام" توبى جانە "ليدەر" قوعامدىق قورىنىڭ ەرىكتىلەرى قاتىستى.
ەستەرىڭىزگە سالا كەتسەك، ءىز-تۇزسىز جوعالعان قىزعا مەملەكەتارالىق ىزدەۋ سالىنعان بولاتىن.
