"سەن كەرەمەتسىڭ!" مۋزىكالىق جوباسىنىڭ جارتىلاي ءفيناليسى يۋسۋپ الييەۆكە احمات قادىروۆ اتىنداعى الەۋمەتتىك قور تاعايىنداعان گروزنىي قالاسىنىڭ ورتالىعىنان 3 بولمەلى ءۇي بەرىلدى. نتۆ تەلەارناسىنىڭ ەفيرىندە مۋسليم حۋچييەۆ بالاعا كىلتتى ءوزى تابىستادى دەپ حابارلايدى Qamshy.kz اقپارات اگەنتتىگى رامبلەر سايتىنا سىلتەمە بەرە وتىرىپ.

"ول جارتىلاي فينالعا دەيىن وتە جوعارى دەڭگەيدىڭ قانداي بولاتىنىن كورسەتتى، ءبىراق قازىلار القاسى فينالدا باسقا قاتىسۋشىلاردى كورگىسى كەلگەن ەكەن. كورەرمەننىڭ ىستىق ىقىلاسى مەن مامانداردىڭ قۇرمەتىنە يە بولعان يۋسۋپ ءۇشىن بۇل دا ناتيجە. قورىتىندى سايىس كۇنى مۋسليم ماگومەدوۆيچ احمات-حادجي قادىروۆ اتىنداعى الەۋمەتتىك قوردىڭ شەشىمىمەن گروزنىي قالاسىنىڭ ورتالىعىنان جيھازدارمەن جابدىقتالعان 3 بولمەلى پاتەردى سىيعا تارتتى"،- دەپ جازادى رامزان قادىروۆ ءوزىنىڭ الەۋمەتتىك جەلىدەگى پاراقشاسىندا.

قادىروۆتىڭ ايتۋىنشا، يۋسۋپتىڭ الداعى ۆوكال جانە ساحنالىق شەبەرلىك ساباقتارىن ءوز موينىنا الادى. ەندى جاس بالانىڭ تالانتىن بارلىق قىرىنان اشىپ، ماماندار  ونى ەلگە تانىمال ەتۋگە تىرىسادى.

اۋدارعان: بەك بايتاس