قازىرگى كۇنى جاقسى جۇمىس تولەنەتىن جالاقىسىنا قاراي انىقتالادى. ارينە، جالاقى بىلىكتىلىككە، تاجىريبەگە، تالانتقا جانە تۇراتىن ەلگە بايلانىستى ءارتۇرلى بولادى. ەگەر ءسىز بولاشاق ستۋدەنت بولساڭىز جانە نەعۇرلىم كوپ اقشا تابۋعا ۇمتىلساڭىز، وندا وسى تىزىممەن تانىسىڭىز دەپ جازادى Qamshy.kz اقپارات اگەنتتىگى.
- حيرۋرگ
بۇگىنگى كۇنى الەمدەگى حيرۋرگتەر جوعارى جالاقى الۋ جاعىنان ءبىرىنشى ورىندا تۇر. تەحنولوگيالىق پروگرەسسكە قاراماستان جانە الدىڭعى قاتارلى مەديسينالىق جابدىقتار بار بولسا دا، حيرۋرگتەردىڭ ارالاسۋىنسىز ەشقانداي وپەراسيا جاسالىنبايدى. كەيبىر ناۋقاستارعا مۇقيات حيرۋرگيالىق كومەك قاجەت ەتىلەدى. ەڭ جوعارعى جالاقى قاراپايىم دارىگەرلەرگە ەمەس، كۇردەلى وپەراسيالاردى ورىنداۋعا قابىلەتتى جوعارى دارەجەلى ماماندارعا بەرىلەتىنىن ەستە ۇستاعان ءجون. ستوماتولوگيالىق حيرۋرگ پەن پلاستيكالىق حيرۋرگتار دا جوعارى تابىس تابادى. وتە دامىعان ەلدەردە وسى سالانى مەڭگەرۋ ءۇشىن ۇزاق ءبىلىم الىپ، قاتاڭ تاجىريبەدەن وتەدى. ەگەر قازاقستاندىق مامان شەتەلدە جۇمىس ىستەگىسى كەلسە، ول ءوز كاسىبيلىگىن دالەلدەپ، تولىق قايتا سەرتيفيكاتتاۋدان ءوتۋى كەرەك. بۇل پروسەسس باراتىن ەلدىڭ تىلىندە جۇرەدى جانە بىرنەشە جىل بويى سوزىلۋى مۇمكىن. امەريكادا جانە ەۋروپالىق وداقتا حيرۋرگتەر ايىنا 3000-8000 دوللار جالاقى الادى. جاس ماماندار فينليانديادا جانە پولشادا جۇمىس تابا الادى، وندا حيرۋرگتەرگە ارنالعان بوس ورىندار كوپ. مۇنداي ەلدەردە تابىس دەڭگەيى تومەن بولسا دا، ۇلىبريتانيا مەن شۆەيسارياعا قاراعاندا مامانعا دەگەن تالاپ الدەقايتا جەڭىل.
- پيلوت
اتالعان ماماندىقتىڭ يەسى فيزيكالىق جانە پسيحيكالىق جاعىنان ساۋ بولۋى كەرەك. ولار لوگيكالىق جانە تەحنيكالىق ويلاۋ داعدىلارىنا يە بولۋى قاجەت. سەبەبى ۇشقىشتار جولاۋشىلاردىڭ ومىرىنە ءارقاشان جاۋاپتى. اۆياسيالىق جابدىقتار ءالى كۇردەلەنىپ، دامي تۇسەدى، سوندىقتان بۇل ماماندىق ۇنەمى قابىلەتتى ماماندى قاجەت ەتەدى. ۇشقىشتار ەڭ جوعارى اقى تولەنەتىن ماماندىقتار تىزىمىندە ەكىنشى ورىنعا يە. قىتايدا، اقش-تا، گەرمانيادا جانە فرانسيادا ۇشقىشتىڭ ورتاشا جىلدىق جالاقىسى 30 000 اقش دوللارىن قۇرايدى.
- ستوماتولوگ
ستوماتولوگتار جاقسى تابىسقا يە. شەتەلدە بىلىكتى ستاموتولوگ جىلىنا 150 000-250 مىڭ دوللارعا دەيىن جالاقى الا الادى. ول ارينە كاسىبي شەبەرلىككە بايلانىستى. ەمتيحان تاپسىرۋ ارقىلى ءوزىڭىزدىڭ ءبىلىمىڭىزدى دالەلدەپ، تاڭدالعان ەلدىڭ تىلىندە ديپلومدى راستاۋ قاجەت. 3-4 جىل تاجىريبەدەن ءوتۋ قاجەت بولۋى مۇمكىن. امەريكادا ءوتىنىش بەرۋشىگە قولايلى جۇمىس تابۋعا كومەكتەسەتىن ارنايى باعدارلامالار بار. وسىنداي تاجىريبەدەن بىرىككەن اراب امىرلىكتەرى، چەحيا، گەرمانيا جانە اۆستراليا سياقتى باسقا ەلدەردەن وتۋگە بولادى.
- ادۆوكات
ادۆوكات - بۇل باسقا ماماندىقتارعا قاراعاندا كوپ تارالعان ماماندىق. دامىعان ەلدەردىڭ تۇرعىندارى ۇنەمى ءوز ءىسىن جاقسى بىلەتىن تۇراقتى جانە دالەلدەنگەن ادۆوكاتقا يە. كەز-كەلگەن كەلىسىم، اجىراسۋ، نەكە تۋرالى كەلىسىم جانە ءتىپتى جۇمىسقا قاتىستى ماسەلەلەر قۇزىرەتتى زاڭگەرلەرمەن شەشىلەدى. جوعارى دارەجەلى مامان بولۋ ءۇشىن سىزگە ۋاقىت پەن بەلگىلى ءبىر قابىلەت قاجەت. ەلدىڭ ءتىلىن جاقسى ءبىلۋ وتە ماڭىزدى، سەبەبى بۇل سوت وتىرىسىنىڭ نەگىزگى كۇشى ءسوز بولىپ تابىلادى. سونداي-اق، جۇمىس ىستەگىڭىز كەلەتىن ەلدىڭ زاڭدارىن جاقسى ءبىلۋىڭىز كەرەك. مىقتى ماماندار ايىنا 4000-5000 دوللار تابىس الادى. ەگەر امەريكاداعى ءىرى كومپانيادا جۇمىس ىستەسەڭىز، بۇل سوما جىلىنا 200 000 دوللاردى قۇراۋى مۇمكىن.
- نارىق ساراپشىسى
بۇل ماماندىقتا باستى ارتىقشىلىق - اناليتيكالىق وي. مۇندا جالاقى كليەنتتەردىڭ دەڭگەيىنە بايلانىستى. ەگەر ماماننىڭ باسقارۋ سالاسىندا، قارجى نارىعى مەن مەنەدجمەنت سالاسىندا ءبىلىمى بار بولسا، وندا ول كوپ تاپسىرىس الادى. ال جالاقى ۋاقىت وتە وسەدى. وسى سالاداعى شەتەل وكىلدەرىنىڭ جىلدىق مولشەرى 260000 دوللارعا تەڭ.
- IT مامانى
قازىرگى كۇنى ادامدار ينتەرنەتسىز، كومپيۋتەرسىز جانە ءموبيلدى تەحنولوگياسىز ءومىر سۇرە المايدى. بالكىم، وسى سەبەپتەرگە بايلانىستى باعدارلامالاۋ بۇگىنگى كۇنى سۇرانىسقا يە شىعار، ويتكەنى IT مامانى بۇل قاجەتتىلىكتەردى جاساۋشى ەكەنى بەلگىلى. بۇل سالادا، كوبىنەسە باعدارلامالاۋ ءتىلىن جەتىك مەڭگەرگەن جاستار جۇمىس ىستەيدى. شەتەلدە ديپلوممەن جىلىنا 100 000 دوللاردان اسا جالاقى الۋعا مۇمكىندىك بار.
- باسشى
بۇل بارلىعىنا جاۋاپتى كومپانيانىڭ باس مەنەدجەرى، تەحنيكالىق مەنەدجەرى نەمەسە باسقا باستى تۇلعاسى. اتاپ ايتقاندا: ۇيىمنىڭ كەلىسىمشارتتارىنا، جۇمىستى الدىن-الا جوسپارلاپ، ينۆەستورلارمەن كەلىسسوزدەر جۇرگىزىپ، كرەديتورلارمەن ماسەلەلەردى شەشۋ سەكىلدى جۇمىستارعا جاۋاپتى. وسىنداي ماماندىقتىڭ يەسى كوپتەگەن ادامدار مەن اقپاراتتىق اعىنداردى باسقارادى. جوعارى لاۋازىمدى اتقارۋشى تەز بەيىمدەلسە، ۇنەمى جاڭا بىلىمگە يە بولادى جانە ول شەتەلدە جىلىنا 250 مىڭ دوللارلىق جالاقى الۋعا مۇمكىندىگى بار.
- بيوتەحنولوگيا جانە گەندىك ينجەنەريا سالاسىنداعى مامان
قازىرگى زاماندا ادامدار سانىنىڭ ۇلعايۋى مەن تاماق جەتىسپەۋشىلىگى پايدا بولدى. بۇل ماسەلەنى شەشۋ ءۇشىن ادامزات بيوتەحنولوگيا مەن گەندىك ينجەنەرياعا بەت بۇردى. گەنەتيكالىق تۇرلەندىرىلگەن ءتۇرلى اۋرۋلارعا ءتوزىمدى وسىمدىكتەر مەن پايدالى ونىمدەر وندىرىلە باستادى. بۇل سالانىڭ ماماندارىنىڭ جاڭا جەتىستىگى وسىمدىكتەردەن باسقا جاساندى ادام اعزالارىن دا جاساي باستادى. سوندىقتان گەنەتيكالىق ينجەنەريا ماماندارى جوعارى سۇرانىسقا يە بولىپ وتىر.
- جارناما مەنەدجەرى
كوپتەگەن فابريكالار، فيرمالار، ۇيىمدار مەن كومپانيالار ءوز ءونىمىن وتكىزۋ ءۇشىن حالىققا ۇنامدى ەتىپ ۇسىنۋى كەرەك. جارنامانىڭ جوعارى دەڭگەيدەگى ەلدەردە وتە دامىعانى تاڭقالارلىق ەمەس. مۇنداي ماماندىقتارعا سۇرانىس تا وتە جوعارى. مامان تۇتىنۋشىدان كوپ اقشا الاتىنداي، ءونىمدى شەبەر ۇسىنۋى كەرەك. گەرمانيادا بۇل سالانىڭ مامانىنا جاقسى جۇمىس ءۇشىن 5 500 ەۆرو تولەنەدى.
- سەلەكسيونەر
وسىمدىكتەردىڭ جاڭا سورتىن وسىرۋگە ارنالعان ءورىس تەز دامىپ كەلەدى، بۇل جاقسى تۇقىمدىقتارعا دەگەن سۇرانىستى ارتتىرادى. تاجىريبە مەن ءبىلىمى جوعارى بىلىكتى ماماننىڭ جالاقىسى جىلىنا 100،000 دوللارعا جەتۋى مۇمكىن.
سوندىقتان بولاشاق ماماندىعىڭىزدى تاڭداعاندا، ءار ماماننىڭ ءوز سالاسىن جاقسى ءبىلۋى كەرەك ەكەنىن ەسكەرىڭىز. بۇل وتە ماڭىزدى.
پىكىر قالدىرۋ