تۇركىستان وبلىسى كريمينالدىق پوليسيا باسقارماسىنىڭ قىزمەتكەرلەرى تاكسي جۇرگىزۋشىنى ءولتىردى دەگەن كۇدىكپەن ەكى ادامدى ۇستادى دەپ حابارلايدى Qamshy.kz اقپارات اگەنتتىگى Sputnik سايتىنا سىلتەمە جاساپ.
2019 جىلدىڭ 17 مامىرىندا سايرام اۋداندىق پوليسيا باسقارماسىنىڭ كەزەكشى بولىمىنە جەرگىلىكتى تۇرعىننان حابارلاما كەلىپ تۇسەدى. ايەل جول بويىندا دەنەسى قانعا بويالعان ەر ادامدى كورگەنىن ايتادى. وقيعا ورنىنا دەرەۋ اۋداندىق پوليسيا باسقارماسىنىڭ جەدەل تەرگەۋ توبى اتتانعان.
كۋاگەرلەردەن جاۋاپ الۋ بارىسىندا جەدەل ۋاكىلدەر كۇندىزگى ساعات 16:30 شاماسىندا "اۋدي" كولىگى جول بويىنا توقتاپ، ىشىنەن دەنەسى قانعا مالىنعان جۇرگىزۋشى قاشىپ شىعىپ، كوپ جۇرمەي جول جيەگىنە قۇلاعانى انىقتالعان. ارتىنشا كولىكتەن جاس قىز بەن جولاۋشى شىعىپ، جۇرگىزۋشىنى كوتەرىپ، كولىككە قايتادان مىنگىزگەن. سودان "بۇل جىگىتتى ەمحاناعا الىپ بارامىز" دەپ، شىمكەنت جاققا قاراي ءجۇرىپ كەتكەن. كريميناليستەر وقيعا ورنىنان قان ىزدەرىن تاپتى.
پىكىر قالدىرۋ