الماتى وبلىسىندا ەر ادام ءوز تانىسىنىڭ 11 جاسار قىزىن قارىزىن قايتارماعانى ءۇشىن كەپىلدىككە الدى دەپ حابارلايدى Qamshy.kz اقپارات اگەنتتىگى ktk.كz سىلتەمە جاساپ.

كۇدىكتى بەسىنشى سىنىپ وقۋشىسىن مەكتەپتەن قايتىپ كەلە جاتقانىندا ۇرلاپ كەتكەن. وسىدان سوڭ، كۇدىكتى قىزدىڭ اناسىنا قوڭىراۋ شالىپ، 110 مىڭ تەڭگە تالاپ ەتىپتى. كەيىن انىقتالعانداي، قىزدىڭ اكەسى 27 جاستاعى كۇدىكتىگە 30 مىڭ تەنگە قارىز بولعان ەكەن.

قىزدىڭ اناسى جەدەل تۇردە قۇقىق قورعاۋ ورگاندارىنا شاعىمدانعان. ارى قارايعى كەلىسسوزدەر ءتارتىپ ساقشىلارىنىڭ باقىلاۋىندا جۇرگىزىلدى. كۇدىكتىنىڭ مەكەن-جايى انىقتالعان سوڭ، تۇتقىنداۋ تۋرالى بۇيرىق بەرىلگەن. ەر ادام "كەپىلگە العان كىشكەنتايىن" ەرتىپ، الماتىداعى ءىرى ساۋدا ورتالىقتارىنىڭ بىرىندە جۇرگەن ەكەن.

"كۇدىكتىنىڭ ءبىزدىڭ اۋدانعا قاراستى ساۋدا ورتالىقتارىنىڭ بىرىندە جۇرگەنى انىقتالدى. سول ساۋدا ورتالىعىندا كۇدىكتىنى قۇرىقتاۋ شارالارى جۇرگىزىلدى. كەپىلگە الىنعان قىز امان-ساۋ قالپىندا اتا-اناسىمەن قاۋىشتى. قازىرگى ۋاقىتتا "ادام ۇرلاۋ" فاكتىسى بويىنشا سوتقا دەيىنگى تەرگەۋ جۇمىستارى جۇرگىزىلىپ جاتىر"، - دەدى قاراساي اۋداندىق پوليسيا باسقارماسىنىڭ اعا تەرگەۋشىسى سامات ساتقانبايەۆ.

اۋدارعان: داۋرەن سىبانباي