ەلىمىزدىڭ باتىس ءوڭىرى اينالدىرعان بەس-التى جىلدا ءشول دالاعا اينالۋى مۇمكىن اسىرەسە، اقتوبە مەن اتىراۋ وبلىستارىنىڭ تامشى سۋعا زار بولاتىن ءتۇرى بار. وسىلاي دەپ دابىل قاققان ەكولوگتار ۇندەۋ جاريالادى دەپ حابارلايدى Qamshy.kz اقپارات اگەنتتىگى كتك تەلەارناسىنا سىلتەمە جاساي وتىرىپ.

ويتكەنى وزەن-كولدەردى تازارتۋعا ارنالعان جوبالار قۇردىمعا كەتىپ، جەر استىنداعى اۋىز سۋدى مۇناي كومپانيالارى بىلعاپ بولعان. ال جوبانى جۇزەگە اسىرۋشىلار ەكولوگيانىڭ ناشارلاۋىنا تۇرعىندار كىنالى دەپ وتىر

تابانى تارتىلعان وزەن. جاعاسىنداعى قۋراعان اعاش. بۇل اقتوبە اينالاسىنداعى سەگىز وزەننىڭ قازىرگى كورىنىسى. ەكولوگتار بۇعان الدىمەن وزەن ارناسىن تازارتۋعا كىرىسكەندەردى كىنالايدى.

سۋ قويماسىنان ىلعال جىبەرىپ قانشا جەردەن ارناسىن تولتىرماق بولسا دا، وزەن تابانىنداعى بۇلاق كوزدەرىنىڭ بىتەلۋىنەن سۋ جينالمايدى ەكەن. ۇمبەتالى سارسەنبين، ەكولوگ-عالىم:

"ول سۋدىڭ استىندا بۇلاق بولۋى، كوزدەرى جابىلىپ قالىپ تۇر. ءقازىر ەندى كوپ جەرلەر باتپاققا اينالىپ كەتتى. ونىڭ ءبارى وسىمدىك تامىرىنا اسەر ەتەدى. ياعني ەكو جۇيە بۇزىلعان. سەگىز وزەندى تازارتۋعا قاتىستى جوبانى ازىرلەگەن ينجەنەرلەر بولسا وزدەرىنە شاڭ جۋىتپايدى. وزەن ارناسىنىڭ كەۋىپ قالعانىن كەرىسىنشە تۇرعىنداردان كورىپ وتىر"،- دەيدى

ەركەن تاجىعالييەۆ، "انتارەس پلاتەنيۋم" ج ش س باس ينجەنەرى:

"كوپشىلىك ەكولوگيالىق اپاتقا الىپ كەلدى دەپ ءبىزدى ايىپتاپ وتىر. وعان ەش نەگىز جوق. جوبانى ازىرلەۋگە بىلگىر ماماندار، عالىمدار تارتىلدى. وزەندەردىڭ قۇرۋىنا تۇرعىندار كىنالى. بىزدەر سەگىز وزەننىڭ بويىنان قۇرىلىس ماتەريالدارىنان باستاپ، قوقىستىڭ ءتۇر-تۇرىن تاپتىق. تازارتتىق. ەكولوگتار اينالدىرعان بەس-التى جىلدا قالا ىرگەسىندەگى سەگىز وزەننەن باسقا، ايماقتا بارلىق سۋلى جەردىڭ كەۋىپ قالاتىنىن ايتۋدا. ءتىپتى ىشەرگە ءنار تابا الماي تەنتىرەپ كەتەمىز دەپ دابىل قاعادى. سەبەبى، ەلىمىزدىڭ باتىس ايماعىن تىرشىلىك نارىمەن قامتىپ وتىرعان "كوكجيدە" جەر استى سۋ باسسەينىنىڭ ءوزى مۇنايمەن بىلعانعان."،- دەپ مالىمدەمە جاسادى.

مارينا سىگانكوۆا، ەكولوگ:

"اقتوبە مەن اتىراۋ وڭىرلەرى ءشول دالاعا اينالادى. سۋدىڭ دەڭگەيى ءتۇسىپ كەتتى. سۋ قورى تىم از. مۇناي كومپانيالارى جەراستى سۋلارىنىڭ تۇگىن قالدىرمادى. قورى باي "كوكجيدەنىڭ" ءوزى ءبۇلىنىپ جاتىر."،- دەپ پىكىر ءبىلدىردى.

ەكولوگتار جينالىپ كەڭەس قۇرىپ، ۇندەۋلەرىن دە جاريالادى. وندا اقتوبە وڭىرىندەگى سۋعا قاتىستى ماسەلىنىڭ ءبارىن ءتىزىپ جازىپتى. الدىمەن وزەن-كول تابانىنداعى بۇلاق كوزدەرىن بىتەۋدى توقتاتۋدى سۇراعان. ال ەلىمىزدىڭ باتىس ايماعىن اۋىز سۋمەن قامتي الاتىن "كوكجيدەگە" مۇناي كومپانيالارىن جولاتپاۋدى بيلىكتەگىلەردەن تالاپ ەتىپتى.

ۇسىنعان: بەك بايتاس