ماڭعىستاۋ وبلىسىندا 12 جاستاعى بالانىڭ ۇستىنە فۋتبول قاقپاسى قۇلاپ كەتتى. بالاعا دەرەۋ وتا جاسالدى دەپ حابارلايدى Qamshy.kz اقپارات اگەنتتىگى tengrinews.kz سايتىنا سىلتەمە جاساپ.

وقيعا 29 مامىردا جەتىبايدا بولعان. شامامەن 19:00-دە قاراقيا اۋدانىنا قاراستى جەتىباي اۋىلىنىڭ 2007 جىلعى تۇرعىنى اۋىر جاراقاتپەن دەرەۋ ماڭعىستاۋ وبلىستىق بالالار اۋرۋحاناسىنىڭ قابىلداۋ بولىمىنە جەتكىزىلدى. بالانىڭ باس سۇيەگىنىڭ نەگىزگى بولىگى سىنىپ كەتكەن جانە ول تراۆماتيكالىق شوك العان. 

اجەسىنىڭ ايتۋىنشا، بالا فۋتبول الاڭىندا ويناپ جۇرگەن ۋاقىتتا ونىڭ ۇستىنە قاقپا قۇلاعان. 

"دارىگەر نەيروحيرۋرگتار بالانى قاراپ شىققان سوڭ، باسىنا دەرەۋ وتا جاسادى: ولار ىسىكتى الىپ تاستاپ، باس سۇيەگىن تەسىپ وپەراسيا جاسادى. وتا شامامەن ءبىر جارىم ساعاتقا سوزىلدى. قازىرگى جاعدايدا بالانىڭ جاعدايى تۇراقتالدى"، - دەدى ماڭعىستاۋ وبلىستىق دەنساۋلىق ساقتاۋ باسقارماسى باسپا ءسوز قىزمەتىنىڭ وكىلدەرى. 

ۇسىنعان: ماقپال سەمباي