تارازدا كوپ قاباتتى ءۇي ورتەندى دەپ حابارلايدى Qamshy.kz اقپارات اگەنتتىگى 
24.kz تەلەارناسىنىڭ سايتىنا سىلتەمە جاساپ.

120 پاتەردەن تۇراتىن ءۇيدىڭ شاتىرىنان شىققان وت اۋىزدىقتالعانمەن، ءورتتى تىم  ۇزاق ۋاقىت سوندىرۋگە تۋرا كەلگەن. زارداپ شەككەندەر جوق. تۇرعىندار دەرەۋ ەۆاكۋاسيالاندى.

وقيعا ورىنى وقشاۋلانىپ، ءورت ءسوندىرۋ قىزمەتىنىڭ ماماندارى ارنايى تەحنيكامەن جۇمىس ىستەدى. 

اقپاراتقا سايكەس، ساعات 19:30-دا تاراز قالاسى «قاراسۋ 5» شاعىن اۋدانىنداعى  №18 ءۇيدىڭ شاتىرىندا ءورت شىققان.

تجد ءورت ءسوندىرۋ جانە اۆاريالىق قۇتقارۋ جۇمىستارى قىزمەتىنە 19:34-تە قوڭىراۋ كەلىپ ءتۇستى. ءورتتى سوندىرۋگە 14 تەحنيكا، 62 ءورت ءسوندىرۋ قىزمەتىنىڭ مامانى جۇمىلدىرىلدى. 171 ادام ءقاۋىپسىز جەرگە كوشىرىلدى، ونىڭ 42ء-ى بالا.

كەشكى ساعات 20:50-دە ءورتتىڭ وزگە ايماقتارعا ءقاۋىپ ءتوندىرۋى توقتاتىلىپ، ساعات 22:11 ءسوندىرىلدى.

ايماق باسشىلارىنىڭ ايتۋىنشا، ەندى ارنايى كوميسسيا قۇرىلىپ تولىق زەرتتەۋ جۇمىستارىن جۇرگىزەدى.

بۇل ءۇي 2014 جىلى جاڭعىرتۋ باعدارلاماسى بويىنشا جوندەۋدەن وتكەن ەكەن.

ۇسىنعان: ماقپال سەمباي