ەلباسى نۇرسۇلتان نازاربايەۆ قازاقستان حالقىنىڭ الەۋمەتتىك جاعدايىن جاقسارتۋ ماقساتىندا جاريالاعان «پرەزيدەنتتىڭ بەس الەۋمەتتىك باستاماسى» اتتى حالىققا ۇندەۋىندە ءتۇرلى سالالارعا بايلانىستى ناقتى بەس باستاما ۇسىنىپ، ونى ورىنداۋدى ءتيىستى باسشىلارعا تاپسىرعان بولاتىن. سونىمەن قاتار، نۇرسۇلتان ءابىش ۇلى بەسىنشى باستامادا ەلىمىز ءۇشىن ماڭىزدى سالالاردىڭ ءبىرى – ەلدى گازبەن قامتاماسىز ەتۋ جايىن ايتقان بولاتىن. وسى ورايدا پرەزيدەنت تاپسىرماسىنا سايكەس، جامبىل وبلىسىندا تۇرعىنداردى كوگىلدىر وتىنمەن قامتۋ دەڭگەيى ارتتى. وبلىس ورتالىعىنان بولەك، اۋدان، اۋىل تۇرعىندارىن دا گازبەن قامتۋ تۇراقتى جالعاسىپ كەلەدى.

  جامبىل وبلىسى اكىمدىگىنىڭ مالىمەتىنشە، بۇگىندە وبلىستاعى 377 ەلدىمەكەننىڭ 48 پايىزى گازداندىرىلعان. بۇل رەسپۋبليكاداعى وزگە وڭىرلەرمەن سالىستىرعاندا اناعۇرلىم جوعارى كورسەتكىش. جامبىل وبلىسىنىڭ اكىمى اسقار مىرزاحمەتوۆتىڭ تىكەلەي تاپسىرماسىنا سايكەس، وبلىس تۇرعىندارىن ءتيىمدى جولمەن كوگىلدىر وتىنمەن قامتاماسىز ەتۋ جۇمىستارى ءالى دەجالعاسىن تاۋىپ كەلەدى. جامبىل وڭىرىندە 2019-2027 جىلدارى قوسىمشا 196 ەلدى مەكەندى گازداندىرۋ جوسپارلانۋدا. ياعني، باسىم باعىتتى ستراتەگيالىق ماقساتتار كوزدەلگەن 2030 جىلعا قاراي جامبىل وبلىسى 100 پايىز كوگىلدىر وتىنمەن قامتىلاتىن بولادى.

  ايتا كەتەيىك، 2017 جىلى جامبىل وبلىسىنىڭ بيۋدجەتىنەن اتالعان ماقساتقا 525 ميلليون تەڭگە ءبولىنىپ، 43 524 ميلليون تەڭگەنى قۇرايتىن 11 جوبالىق سمەتالىق قۇجاتتار دايىندالعان. اتالعان جۇمىستاردىڭ بارلىعى دا وبلىس تۇرعىندارىن كوگىلدىر وتىنمەن قامتۋ ماقساتىندا ايتارلىقتاي جۇمىستاردىڭ اتقارىلىپ جاتقانىن كورسەتەدى.

  ەلباسى «پرەزيدەنتتىڭ بەس الەۋمەتتىك باستاماسى» اتتى ۇندەۋىنىڭ بەسىنشى باستاماسىندا ەلىمىزدى ودان ءارى گازبەن قامتۋ بويىنشا ورتالىق جانە سولتۇستىك قازاقستانعا جاڭا گاز قۇبىرىن تارتۋ جوباسى باستاۋ الاتىنىن ايتقان ەدى. بۇعان قوسا، ەلباسى بەس باس­تا­مانى ىسكە اسىرۋ ءۇشىن قان­شا قاراجات جۇمسالاتىنىن مالىمدەگەن ەدى. «تۋراسىن ايتقاندا، مۇنىڭ ءبارى مەملەكەت ءۇشىن ارزانعا ءتۇس­پەي­ءدى. بەس الەۋمەتتىك باستامانى جۇزەگە اسىرۋ ءۇشىن جالپى 2،6 تريلليون تەڭگەدەن استام قار­جى ءبولۋدى جوسپارلاپ وتىرمىز. بۇل – وتە ۇلكەن قاراجات، ءبىز­ءدىڭ ادامدارىمىزعا، ولاردىڭ بولا­شا­عىنا باعىتتالعان تىكەلەي ين­ۆەستيسيا. مۇنداي الەۋمەتتىك ساياسات جالعاسا بەرەدى»، دەگەن بولاتىن ەلباسى. مەملەكەتتىڭ بەرىپ وتىرعان بۇل مۇمكىندىگى جامبىل وبلىسى تۇرعىندارىنىڭ دا يگىلىگىنە ورتاق.

دۋلات ايتباي