امەريكانىڭ فلوريدا شتاتى كليرۋوتەر قالاسىندا ءۇش مەترلىك قولتىراۋىن تۇرعىن ۇيگە كىرىپ كەتتى دەپ حابارلايدى Qamshy.kz اقپارات اگەنتتىگى Lenta.ru سايتىنا سىلتەمە جاساپ.

قولتىراۋىن ءتۇن ىشىندە ادامدار شىرت ۇيقىدا جاتقان كەزدە كەلگەن. ول جەرمەن جاپسارلاس ورنالاسقان اس ءۇيدىڭ تەرەزەسىن سىندىرىپ، ىشكە كىرەدى. قولتىراۋىندى اس ۇيگە تاماق ىشۋگە كىرگەن ءۇي يەسى بايقاپ قالعان. ونى كورمەستەن بۇرىن، جانۋار ۇستەل مەن ورىندىقتاردى اۋدارىپ ۇلگەرگەن كورىنەدى.

ءۇي يەسى دەرەۋ پوليسياعا حابارلاسقان. وقيعا ورنىنا ارنايى ماماندار جىبەرىلىپ، قولتىراۋىندى ۇستاپ العان. ابىروي بولعاندا وقيعا ناتيجەسىندە ادامدار زارداپ شەككەندەر جوق.

مامىر ايى كەزىندە فلوريدا شتاتىن مەكەندەيتىن قولتىراۋىنداردىڭ كۇيلەۋ كەزەڭى باستالادى. ول ماۋسىمدا جالعاسىپ، سوسىن رەپتيليالار ۇيا سالا باستايدى. وسى ارالىقتا ولار وتە بەلسەندى بولادى، سوندىقتان ادامداردىڭ كوزىنە ءجيى تۇسەدى ەكەن.

فلوريدادا ميسسيسيپيلىق، سولتۇستىك جانە وڭتۇستىك كارولينا، دجوردجيا، تەحاس پەن لۋيزيانادا مەكەن ەتەتىن قولتىراۋىندار تارالعان. ۇزىندىعى 4،5 مەترگە جەتەتىن قولتىراۋىندار ءجيى كەزدەسەدى، ءبىراق ولار ورتا ەسەپپەن 3،4 مەترگە دەيىن ءوسىپ، سالماعى 200 كيلوگراممعا دەيىن بارادى.