كايدزەن – كىشكەنتاي قادامدار جاساۋ ارقىلى جەكە ومىردە ماقساتقا جەتۋدىڭ جاپوندىق جۇيەسى.
ءبىز نەگە جالقاۋمىز؟
كوپ ادامداردىڭ ساناسىندا ءاربىر وزگەرىس قيىندىقپەن كەلەدى دەگەن تۇسىنىك قالىپتاسقان. ۇلكەن ماقسات پەن ۇلى ارمان جۇرەگىڭىزگە قورقىنىش ۇيالاتادى. سول سەبەپتى ميىڭىز وزگەرىستەرگە شەكتەۋ قويىپ، قولىڭىزدان كەلەتىن ءىستىڭ الدىن ورايدى. الايدا كايدزەن جۇيەسىن قۇرۋشىلار مەن قولدانۋشىلار بۇل ويدى جوققا شىعارادى. جۇيەنىڭ نەگىزگى قىزمەتى ءار كۇن سايىن كىشكەنتاي قادامدارمەن ماقساتقا جەتۋ.
ەسىڭىزدە ساقتاڭىز، ءسىزدىڭ ءار جاساعان كىشكەنتاي قادامىڭىز ۇلكەن ارمانىڭىزدىڭ ورىندالۋىنا جەتەلەدى.
بۇل قالاي جۇزەگە اسادى؟
مىسالى، ءسىز شەت ءتىلىن ۇيرەنگىڭىز كەلەدى. ءبىراق ءسىز بۇل ماقساتىڭىزدى جۇزەگە اسىرام دەپ جۇرگەنىڭىزگە ەكى جىل بولدى دەلىك. ءبىراق ۋاقىتىڭىز جوق. ءتىل ۇيرەنۋ ءۇشىن كۋرسقا جازىلىپ، كۇن سايىن 1-2 ساعاتىڭىزدى ءبولۋىڭىز كەرەك.
الايدا ماقساتىڭىزعا ەشقانداي قادام جاسامايسىز. بۇل جاعدايدا كايدزەندى قالاي قولدانۋعا بولادى؟ كۇن سايىن كەم ەمەس، ارتىق ەمەس ءۇش جاڭا سوزدەن جاتتاپ وتىرىڭىز. تەك قانا ءۇش ءسوز. بۇعان قانشا ۋاقىت كەتەدى؟ دۇرىس، كەم دەگەندە 5 مينۋتىڭىزدى بولسەڭىز بولعانى. ال ءبىر جىل ىشىندە سوزدىك قورىڭىز قانشا سوزبەن تولىعادى؟ جوق دەگەندە 1000 ءسوز! ال ۇيرەنۋىم كەرەك ەدى دەپ جۇرگەن كەزدە قانشا ءسوز جاتتادىڭىز؟ مىنە، ايىرماشىلىق قايدا جاتىر.
نەمەسە بۇلشىق ەتىڭىزدى شىعارىپ، ارىقتاۋ ءۇشىن دە وسى ماسەلە تۋىندايدى. سپورت زالعا بارىپ، ۋاقىت ءبولۋ كەرەك. سول سەبەپتى كايدزەن جۇيەسى ارقىلى كۇنىنە 4 مينۋت ۋاقىتىڭىزدى ارناپ سپورتپەن شۇعىلدانىڭىز، ناتيجەسى كوپ ۇزاماي بىلىنە باستايدى.
كەيدە ءتىپتى بەلگىلى ءبىر ارەكەتتى ورىنداپ، جەتىستىككە جەتۋ ءۇشىن 1 مينۋتتىڭ ءوزى جەتكىلىكتى. ءاربىر كىشكەنتاي قادام ءسىزدىڭ كۇندەلىكتى داعدىڭىزعا اينالادى. وزگەرىستەر بايقالىپ، ءومىرىڭىز وزگەرە باستاسا ءسىزدىڭ
بۇل جۇيەنىڭ باستى تالابى – ۇزدىكسىز ىس-ارەكەت! ءار كۇن سايىن اقىرىن ادىمداپ باسىپ، ماقساتىڭىزعا جەتەسىز!
قادام جاساۋ الگوريتمى
- ءسىز ءۇشىن پايدالى ەمەس، ۋاقىتىڭىزدىڭ تەڭ جارتىسىن الاتىن جۇمىستاردىڭ ءتىزىمىن جاساڭىز؛
- كەلەسى قادام ءسىز ءۇشىن پايدالى، ناتيجەلى ىستەردىڭ ءتىزىمىن قۇرىڭىز؛ ءاربىر تىزىمگە ءبىر ىستەن قوسىپ وتىرىڭىز؛
- ءوزىڭىزدىڭ كۇندەلىكتى ومىرىڭىزگە ەڭ الدىمەن ەنگىزگىڭىز كەلگەن ىستەردى انىقتاپ الىڭىز؛
- ءوز ماقساتىڭىزعا جەتۋ ءۇشىن نە ىستەي الامىن دەگەن سۇراق قويىڭىز (مىسالى ءسىز ەمىزۋلى سابيىڭىزبەن ءوزىڭىزدى دامىتقىڭىز كەلەدى)؛
- ازدان باستاڭىز، كۇن سايىن ءبىر مينۋتىڭىزدى سول ىسكە ارناڭىز (اقىرىن قادام جاساپ، قيىندىق تۋعىزباۋ كەرەك). اقىرىنداپ قارقىنىڭىزدى اسىرىپ وتىرىڭىز. قولعا العان ءاربىر ءىسىڭىزدى داعدىعا اينالدىرىڭىز.
كايدزەن جۇيەسىندەگى ىس-ارەكەتتەردىڭ مىسالدارى:
پىكىر قالدىرۋ