ەكولوگ مامانداردىڭ دەرەكتەرىنە سۇيەنسەك، اۋاداعى زياندى قوسپالاردىڭ رۇقسات ەتىلگەن شەگىنەن اسۋى بويىنشا الماتى قالاسى ءبىرىنشى ورىندا تۇر. «راحات» كونديتەرلىك ونىمدەر فابريكاسىنىڭ باسقارما ءتوراعاسى فەدورەس كونستانتين بۇل جاعدايدى وزگەرتۋگە بولادى دەپ ەسەپتەيدى دەپ جازادى Qamshy.kz اقپارات اگەنتتىگى. 

2019 جىلدىڭ قاڭتار ايىنان باستاپ «راحات» كومپانياسى تالعار گيدروەلەكترستانسياسىنان ەلەكتر ەنەرگياسىن ساتىپ الۋ تۋرالى كەلىسىم-شارت جاساسىپ، قازىرگى ۋاقىتتا گەس سۋ ەنەرگياسىن تۇتىنىپ وتىرعان ەڭ ءىرى كومپانيالاردىڭ بىرىنە اينالدى. بيىلعى جىلدىڭ ءتورت ايى ىشىندە فابريكا 2 257 501 كۆت ەلەكتر ەنەرگياسىن ساتىپ الىپ، كاسىپورىن فابريكاسىنىڭ ءىشىنارا ەقجك كوشۋىن قامتاماسىز ەتتى.

«كومپانيا ءۇشىن قورشاعان ورتانىڭ تازالىعىن ساقتاۋ جانە ەكولوگيانىڭ جاقسارۋىنا ۇلەس قوسۋ وتە ماڭىزدى. دەگەنمەن، كاسىپورىن ونەركاسىپ وبەكتىسى بولعاندىقتان، قورشاعان ورتاعا لاس زاتتاردى شىعارۋعا ءماجبۇر. وسى جاۋاپكەرشىلىگىمىزدى بىلە تۇرا، ءبىز ءوز تاراپىمىزدان ءبىرقاتار الدىن الۋ شارالارىن وتكىزەمىز، سونىڭ ءبىرى - تالعار گەس-ىمەن سەرىكتەس بولدىق. ءبىز ەنەرگيانىڭ قايتا جاڭعىرتىلاتىن كوزدەرىن تۇتىنۋعا تەحنيكالىق تۇرعىدان كوشۋ ءۇشىن 30 ميلليون تەڭگەدەن استام قاراجات جۇمسادىق جانە بۇدان كەيىن دە جاسىل ەنەرگەتيكاعا قۇيىلاتىن ينۆەستيسيالار كولەمىن ۇلعايتا بەرمەكپىز»، - دەدى «راحات-Lotte» اق باسقارما ءتوراعاسى كونستانتين فەدورەس.

وعان قوسا، فابريكا وسىمەن بىرنەشە جىل قاتارىنان ءوز اۋماعىنداعى قالدىقتاردى ءبولىپ جيناپ كەلەدى. بۇل قالدىقتاردى وزگە ۇيىمدار قايتا وڭدەۋگە الىپ كەتەدى. ال كومپانيا قىزمەتكەرلەرىنەن قۇرىلعان ەرىكتىلەر ۇيىمى جىل سايىن الماتى قالاسىندا كوشەتتەر ەگۋمەن اينالىسادى. «راحات» كومپانياسىنىڭ شتاتىنداعى ەكولوگتار قىزمەتى اتموسفەرالىق اۋاعا زياندى زاتتاردى شىعارۋ نورماتيۆتەرىن ۇستانۋدى قاتاڭ قاداعالاپ وتىرادى.

ەقجك جۇيەلى كوشۋ جانە تابيعاتتىڭ ەكولوگيالىق بۇتىندىلىگىن ساقتاپ قالۋ بويىنشا وزگە شارالار كومپانيانىڭ باستى اكسيونەرى Lotte Confectionery كومپانياسىنىڭ دا ساياساتىنىڭ ءبىر بولىگى بولىپ تابىلادى. كورەيالىق كونگلومەرات جەرگىلىكتى كومپانيالارمەن بىرلەسە وتىرىپ، دۇنيە جۇزىندە اتموسفەراعا سو2 شىعارۋدى ازايتۋ جانە وندىرىستىك الاڭداردا ەنەرگيا تۇتىنۋدى ۇنەمدەۋ بويىنشا شارالار وتكىزەدى.