ەلىمىزدەگى كەزەكتەن تىس پرەزيدەنت سايلاۋىنىڭ ءدۇبىرلى داتاسى تاياعان سايىن ۇلت قايراتكەرلەرى، اقىن-جازۋشىلار، زيالى ادامدار ايتىسىپ قالۋدا. بەلگىلى الاشتانۋشى، جازۋشى تۇرسىن جۇرتبايدىڭ سايلاۋ قارساڭىندا بىلدىرگەن پىكىرىن Qamshy.kz اقپارات اگەنتتىگى يۋتۋبتاعى Qajet ارناسىنا سىلتەمە بەرىپ جاريالايدى. 

–ءاي، اينالايىندار! جانسىز قۋىرشاق تا ساحناعا شىعادى عوي. جانسىز قۋىرشاق سولاي كەيىپ تانىتادى عوي. قايدا؟ قوسانوۆتان باسقالارى قايدا؟ ولار نە ءۇشىن ءتۇسىپ وتىر؟، - دەپ اشىنا ساۋال تاستادى تۇرسىن جۇرتباي.

الاشتانۋشى ازاماتتىڭ ويىنشا، قازىرگى تاڭدا ساياسي ارەنادا جۇرگەن بارشا وپپوزيسيونەرلەردى وتستاۆكاعا جىبەرۋ قاجەت. ويتكەنى، ولار دا ۇرانداتىپ قانا قالۋدى، ناۋقاندا عانا بوي كورسەتۋدى سانگە، عادەتكە اينالدىرىپ العان-مىس.

–جارماحان تۇياقبايەۆ قايدا؟ ءبىرىنشى پرەزيدەنت ءوز وكىلەتتىلىگىن اياقتاي سالا "ءوز ميسسيامدى اتقارىپ بولدىم" دەگەن جەلەۋمەن ورنىن تاستاپ جۇرە بەردى. ەل الدىنداعى جاۋاپكەرشىلىك دەگەن بولۋى ءتيىس قوي. وسى ۋاقىتقا دەيىن مىڭداعان حالىقتى ارتىنا ەرتىپ كەلدى دە، ناعىز كەسىپ تۇسەتىن كەزدىك بولار تۇسىندا جىلىستاپ كەتتى. ول وسى ءىسى ءۇشىن ەلدەن جاريا تۇردە كەشىرىم سۇراۋى كەرەك، - دەدى قاھارىنا مىنگەن الاشتانۋشى اعامىز.

ول ەل ازاماتتارىنىڭ دا ساۋاتى تومەندىگىنە، ۇلتتىق بولمىستىڭ قالىپتاسپاي كەلە جاتقانىنا قارنى اشاتىنىن ءبىلدىردى.

–30 جاسقا دەيىنگىلەر – تۇگەل ورىستانعان، ساناسى قۇلدىقتاعىلار. 30 بەن 50 اراسىنداعىلار – ءدۇدامال كۇيدە قالعاندار. ەندى جاڭا ۇرپاقتى ءجوندى تاربيەلەۋ كەرەك، - دەپ توتەسىنەن تارتقان جازۋشى ءوز ومىرىنەن بىرنەشە مىسالدار كەلتىردى.