تۋعان جەرىنە دەمالىسقا كەلگەن تۇرىكمەنستاندىق 4 ستۋدەنت ءاۋاجايدان تىكەلەي اسكەرگە كەتتى دەپ جازادى Qamshy.kz اقپارات اگەنتتىگى “حرونيكي تۋركمەنيستانا” سايتىنا سىلتەمە جاساپ.

جاس جىگىتتەر 1-ماۋسىم كۇنى تۇركيادان ۇشىپ كەلدى. 2 جىگىت بايرامالي قالاسىنان بولسا، قالعان 2 ەر ادام لەباپ ءۋالاياتىنىڭ تۋماسى. اشحابادتىڭ حالىقارالىق ءاۋاجايىن بالالارىن كۇتكەن اتا-انالار ولاردى كورە المادى.

3-ماۋسىم كۇنى ءارتۇرلى ينستانسيالارعا جۇگىنگەن اتا-انالار تانىستارى ارقىلى بالالارىن اشحاباد اسكەري گارنيزونىنا الىپ كەتكەنى تۋرالى ەستىدى. جاس جىگىتتەردى “اسكەردەن قاشقاندار” دەپ گورنيزونعا ورنالاستىردى.

ءاۋاجايداعى ءتولقۇجات تەكسەرىسىنەن كەيىن، ولاردى بىردەن 3 ساعاتقا سوزىلعان تەرگەۋگە الىپ كەتتى. ودان كەيىن، اشحاباد اسكەري گارنيزونىنىڭ وفيسەرى جاس جىگىتتەردىڭ تۇرىكمەنستان قارۋلى كۇشتەرى قاتارىنا شاقىرىلعانى تۋرالى حابارلادى.

بۇل شەتەلدىك جوعارى وقۋ ورىندارىنان دەمالىسقا كەلگەن ستۋدەنتتەردىڭ اسكەرگە الىپ كەتۋ جاعدايى ءبىرىنشى ەمەس. ولارعا وقۋىن اياقتاۋعا مۇمكىندىك بەرىلمەيدى. ءارتۇرلى دەرەككوزدەردىڭ ايتۋىنشا، تۇرىكمەن اسكەرى وفيسەرلەر مەن قاتارداعى جاۋىنگەرلەرگە كادرلىق جەتىسپەۋشىلىك كورۋدە.

اۋدارعان: يلدار اديلچەنوۆ