شىعىس قازاقستان وبلىسىندا تۇرمەدەن مەرزىمىنەن ەرتە بوساپ شىققان قاسكوي جەسىر جەڭگەسىن تۇنگى 4:00 شاماسىندا زورلاپ تاستادى دەپ حابارلايدى Qamshy.kz اقپارات اگەنتتىگى ەۆرازيا ارناسىنا سىلتەمە بەرە وتىرىپ.

كۇيەۋى قايتىس بولعان كەلىنشەك بۇل كەزدە قالىڭ ۇيقى قۇشاعىندا جاتقان. اپكەسىنىڭ كەتۋىن كۇتكەن قاندىقول ۇيقىداعى ايەلدى اۋىر زاتپەن تومپەشتەپ، قان-جوسا ەتكەن. ارتىنشا، تالماۋسىراعان جەڭگەسىنىڭ جان ايعايىنا قاراماستان، بىلگەنىن ىستەگەن. بۇرىن سوتتالعان ەركەك ەسىرتكىگە تاۋەلدى ەكەن. ءتىپتى، ۆيچ جۇقتىرعان كورىنەدى.

سىرتقا جانۇشىرا جارتىلاي جالاڭاش كۇيدە قاشقان ايەل كوشەدەگى دۇكەندەردىڭ بىرىندە باس ساۋعالاماق بولىپتى. الايدا، ءجۇزىن قان جۋعان كەلىنشەكتەن شوشىنعان ساتۋشى ونى قۋىپ شىعىپتى. ابىروي بولعاندا وعان قايىرىمدى جان كەزىگىپ، كومەككە كەلگەن. ءبىراق ءولىم اۋزىنان قالعان ايەلگە جەدەل جاردەم دە، پوليسەيلەر دە كەلمەپتى.

«بەتىمە تيگەن قاتتى سوققىدان وياندىم. ول مەنى ولتىرەمىن دەپ قورقىتىپ، ويىنا كەلگەنىن ىستەدى. وعان كۇشىم جەتپەي، قانعا تۇنشىعا باستادىم. ويتكەنى، مۇرنىم مەن اۋزىمنان قان اقتى. سوققىعا جىققان سوڭ، ەشكىمگە ايتپايمىن دەپ جالىنىپ، ونى سەندىرىپ، قاشىپ شىقتىم.»،- دەيدى زارداپ شەگۋشى.

ەڭ سوراقىسى ميى شايقالىپ، دەنەسىنىڭ بىرنەشە تۇسى سىنعان كەلىنشەككە جاسالعان قىلمىس جازاسىز قالىپتى. پروباسيا قىزمەتىنىڭ قاراۋىندا بولعانىمەن جۇگەنسىز جۇرگەن قاسكويدىڭ قىلمىسىن پوليسەيلەر «وتباسىلىق-تۇرمىستىق داۋ»،- دەپ جىلى جاپقان. ادۆوكاتتىڭ سوزىنشە، وبلىستا مەرزىمىنەن ەرتە بوساعان وسىندايلار تولىپ جۇرگەن كورىنەدى.

«ەلىمىزدىڭ باس پروكۋراتۋراسى مەن ىشكى ىستەر مينيسترلىگىنە شاعىم جولدانعانمەن، ءالى جاۋاپ كەلمەدى. وسىنداي قىلمىسكەرلەر ءقازىر مەرزىمىنەن ەرتە شىعىپ، قايتا قىلمىس جاسايدى. مۇنداي قىلمىس جاساعانداردان جاپا شەككەن قانشا ادام بار. وزىمىزگە كەلگەندەر دە كوپ. قاسكويلەردى قوعامنان وڭاشالاۋ قاجەت دەپ ويلايمىن»،- دەيدى قوعامدىق قور وكىلى المات مۇحامەدجانوۆ.

ۇسىنعان: بەك بايتاس