اقتاۋدا مەملەكەتتىك قىزمەتكەرلەر ءبىر مەزەتتە، العاش رەت وبلىستاعى ەڭ ۇلكەن تۋدىڭ استىندا مەملەكەتتىك گيمندى شىرقادى.
قازاقستان رەسپۋبليكاسىنىڭ رامىزدەر كۇنى مەرەكەسىنە وراي ۇيىمداستىرىلعان شاراعا وبلىس جانە قالا اكىمى، مەملەكەتتىك قىزمەتشىلەر قاتىستى. مەرەكەلىك الاڭدا قازاقستان رەسپۋبليكاسىنىڭ مەملەكەتتىك تۋى مەن ەلتاڭباسى ۇلىقتالىپ، مەملەكەتتىك قىزمەتكە جاڭادان كەلگەن قىزمەتكەرلەر سالتاناتتى تۇردە انت قابىلدادى.
وبلىس اكىمى ە.توعجانوۆ جينالعانداردى مەرەكەمەن قۇتتىقتاۋ سوزىندە: «ەلباسىمىز ن.نازاربايەۆ «مەملەكەتتىك رامىزدەر - حالقىمىزدىڭ رۋحىن، ۇلتتىق ساناسىن، قاھارماندىلىعى مەن دانالىعىن، بولاشاققا ءۇمىتىن، ارمان-تىلەگىن جەتكىزەتىن ەرەكشە قۇندى بەلگىلەر» دەپ اتاپ وتكەن بولاتىن. كەز-كەلگەن مەملەكەتتىڭ كوركەيىپ گۇلدەنۋى سول مەملەكەتتىڭ ءتول رامىزدەرىنە دەگەن قۇرمەت سەزىمىنەن ءوربيدى. ەندەشە، ءاردايىم رامىزدەرىمىزدى قاستەرلەپ، بىرلىگى مەن بەرەكەسى جاراسقان تاۋەلسىز ەلىمىزدىڭ تۇعىرى بەرىك بولعاي،- دەپ تىلەدى.
پىكىر قالدىرۋ