"ادىرنا" ۇلتتىق-ەتنوگرافيالىق بىرلەستىگى "ازاماتتىق باستامالاردى قولداۋ ورتالىعى" كەاق-نىڭ (@CISC ) مەملەكەتتىك گرانتى اياسىندا ق ر اقپارات جانە قوعامدىق دامۋ مينيسترلىگىنىڭ قولداۋىمەن جۇزەگە اسىرىلۋ ۇستىندەگى "ءداستۇرلى رۋxاني قۇندىلىقتاردى قولداۋ جونىندەگى جۇمىستاردى ۇيىمداستىرۋ" جوباسى بويىنشا "تاريحتان تاعىلىم: ۇلتتىق يدەيا جانە ءدىن ماسەلەلەرى" اتتى رەسپۋبليكالىق عىلىمي-تاجىريبەلىك كونفەرەنسيانى ۇيىمداستىردى دەپ حابارلايدى Qamshy.kz اقپارات اگەنتتىگى. 

اتالعان شارا «تاريحتان تاعىلىم: ۇلتتىق يدەيا جانە ءدىن ماسەلەلەرى» تاقىرىبىنىڭ اياسىندا كەڭ اۋقىمدى قامتىدى.
ستۋدەنت جاستار مەن كونفەرەنسياعا ارنايى كەلگەن قوناقتاردىڭ الدىندا العاشقى ءسوز كەزەگى اقىن، ەتنوگراف ابۋباكىر قايرانعا بەرىلدى. ابۋباكىر اعا قازاق بالاسىنىڭ باستى ماقساتى- ۇلتتىق سانانى جاڭعىرتۋ ەكەندىگىن ايتا كەلە، «ءتۇبىمىزدى زەرتتەپ، تاريحىمىزدى تانۋعا ەندى عانا بىلەك سىبانا كىرىسىپ جاتقانىمىز وكىنىشتى-اق. دەسە دە، ەشتەن كەش جاقسى»، – دەگەن ويىن ءبىلدىردى.

فيلوسوفيا عىلىمدارىنىڭ دوكتورى باقىتجان ساتەرشينوۆ، فيلولوگيا عىلىمدارىنىڭ كانديداتى راشيد مۋحيتدينوۆ، ەتنوگراف، مادەنيەتتانۋشى بەردالى وسپان، ءدىنتانۋ عىلىمىنىڭ ماگيسترى ەلنار بەرىكبايەۆ سىندى ازاماتتار ءتۇرلى تاقىرىپتا باياندامالار وقىپ، تىڭدارماندارعا ءدىن مەن ءداستۇر، ۇلتتىق مۇددە ۇعىمىنىڭ ءمان-ماڭىزىن ايقىن اشىپ كورسەتتى. شاراعا قاتىسۋشى جاستاردى جالىندى جىرىمەن سۋسىنداتىپ، استارلى پىكىر بىلدىرگەن اقىن امانعازى كارىپجان مىرزا ءدىني، ءھام رۋحاني ساۋاتتى بولۋعا شاقىرىپ، «نەعۇرلىم تۇسىنىكسىز دۇنيە سوعۇرلىم وزىنە تابىندىرادى»،-دەپ قورىتىندىلادى.

اتى اتالعان ازاماتتارىمىزدان بولەك، تانىمدىق كەشتىڭ كوركىن قىزدىرا تۇسكەن ءداستۇرلى انشىلەر قوبىز، دومبىرا اسپاپتارىندا حالىق اندەرىن ورىنداپ، تىڭدارماندارىن ءتانتى ەتتى.

عىلىمي-تاجىريبەلىك كونفەرەنسيانىڭ سوڭى قاتىسۋشىلار اراسىنداعى پىكىر الماسۋعا ۇلاسىپ، «ۇلى دالانىڭ جەتى قىرى» كىتاپ كورمەسىن تاماشالاۋمەن ءوز جالعاسىن تاپتى.

"ادىرنا" ۇلتتىق-ەتنوگرافيالىق بىرلەستىگىنىڭ پرەزيدەنتى ارمان اۋباكىر كونفەرەنسيا سوڭىندا اتالمىش شارالاردىڭ جىل سوڭىنا دەيىن جالعاساتىنىن اتاپ ءوتتى.