تۇركىستان وبلىسىندا ينكاساتورلاردى ارىپتەسى ولتىرگەن دەپ حابارلايدى Qamshy.kz اقپارات اگەنتتىگى tengrinews.kz سايتىنا سىلتەمە جاساپ.
"2019 جىلى 7 ماۋسىمدا كەشكى ساعات 18:16-دا ارىس ءپب-نىڭ كەزەكشى بولىمىنە پوشتا بولىمشەسىنەن ەكى ينكاسساتور زاداريا كەنتى باعىتى بويىنشا قىزمەتتىك اۆتوكولىكپەن شىعىپ، مونتايتاس اۋىلىنا سوققانى تۋرالى حابارلاما تۇسكەن. پوشتامەن بايلانىسقا شىعىپ، قوجاتوعاي كەنتىنە باراتىندارىن ايتقان، سودان ءىز-تۇسسىز جوعالىپ كەتىپ، 12:00-دەن كەيىن كەيىن بايلانىسقا شىقپاعان. اۆتوكولىكتە اۋىلدىقتاردىڭ زەينەتاقىلارى مەن جاردەماقىلارىن تولەۋگە ارنالعان 7،5 ميلليون تەڭگەدەن اسا قاراجات بولعان.
"ءبىز ينكاسساتورلاردىڭ ورنالاسقان جەرىن انىقتاۋ بويىنشا بارلىق قاجەتتى شارالاردى قابىلدادىق. پوليسيا دەپارتامەنتى مەن ارىس اۋداندىق پوليسيا ءبولىمىنىڭ تاجىريبەلى قىزمەتكەرلەرى ارنايى جەدەل-تەرگەۋ توبى قۇرىلدى، ولار جوعالعان ينكاسساتورلاردى ىزدەۋگە باعىتتالدى. جەدەل ۋاكىلدەر اۋداننان كىرۋ جانە شىعۋ جولدارىن، كوشە قيىلىستارىندا ورناتىلعان بەينەباقىلاۋ كامەرالارىن تەكسەرىپ، كۋاگەرلەردەن سۇراۋ جانە باسقا دا جەدەل ءىس-شارالار وتكىزدى. ناتيجەسىندە، سول كۇنى ساعات 20.00-دەن كەيىن جەدەل ۋاكىلدەر ارىس قالاسىنان 3 شاقىرىم جەردە تاستالعان اۆتوكولىكتى تاۋىپ، اۆتوكولىكتىڭ سالونىندا كريميناليستەر قان ىزدەرىن تاپتى. ءبىز ينكاسساتورلاردى قۇربان بولدى دەگەن پىكىرگە بىردەن كەلدىك. ينكاسساتورلاردىڭ ءمايىتىن ىزدەستىرۋدى جالعاستىرىپ، كەلەسى كۇنى تاڭەرتەڭ ساعات 6.00-دە اۋدان ورتالىعىنان 35 شاقىرىم جەردە باسىنا وق اتىلعان جەردەن تاپتىق"، - دەلىنگەن حابارلامادا.
جەدەل-ىزدەستىرۋ شارالارى بارىسىندا كۇدىكتىنىڭ جەكە باسىن انىقتاپ، ونى تۇرعىلىقتى جەرى بويىنشا ۇستالعان. ول 1981 جىلعى جەرگىلىكتى تۇرعىن بولىپ شىقتى. ۇستالعان كۇدىكتىدەن اڭشى مىلتىعى مەن ۇرلانعان اقشا تاركىلەندى. ول دەمالىستا جۇرگەندە، جول بويىندا ولارمەن بىرگە كەلە جاتىپ، اتىپ كەتىپ، اقشامەن جاسىرىنىپ جۇرگەنىن مويىندادى. ازامات ق ر قىلمىستىق كودەكسىنىڭ 99-بابى "ادام ءولتىرۋ" جانە 192-بابى "قاراقشىلىق"بويىنشا قىلمىس جاسادى دەپ كۇدىككە ءىلىندى. ۇستالعان ازامات قاماۋعا الىندى. وقيعا بولعان جەردىڭ بارلىق مالىمەتتەرى سوتقا دەيىنگى تەرگەۋ بارىسىندا ورناتىلادى"، - دەدى تۇركىستان وبلىسى پد باسشىسى پوليسيا گەنەرال-مايورى قايرات دالبەكوۆ بريفينگتە.
پىكىر قالدىرۋ