بۇگىن قازاقستاندا كەزەكتەن تىس پرەزيدەنت سايلاۋى ءتامام بولدى. ەكزيت-پولل ناتيجەلەرى  Nur Otan پارتياسىنىڭ كانديداتى قاسىم-جومارت توقايەۆتىڭ باسىمدىلىعىن كورسەتتى دەپ جازادى Qamshy.kz اقپارات اگەنتتىگى. بۇل تۋرالى ەلورداداعى ورتالىق كوممۋنيكاسيالار قىزمەتىندە وتكەن بريفينگتە "قوعامدىق پىكىر" ينستيتۋتىنىڭ كەڭەس ءتورايىمى اينۇر ءماجيتوۆا ءمالىم ەتتى.

ەكزيت-پولل ناتيجەسىندە كانديداتتاردىڭ جيناعان بولجامدى داۋىسى مەن ايماقتاردىڭ سايلاۋعا قاتىسۋ پايىزى كورسەتىلگەن. 

Qamshy.kz اقپارات اگەنتتىگى وقىرماندارعا قولايلى بولۋى ءۇشىن ءار كانديداتتىڭ جيناعان داۋىس پايىزىن رەت-رەتىمەن كورسەتپەك. 

1. قاسىم-جومارت توقايەۆ - 70،13 پايىز

2. ءامىرجان قوسانوۆ - 15،39 پايىز

3. دانيا ەسپايەۆا - 5،32 پايىز

4. جامبىل احمەتبەكوۆ - 3،86 پايىز

5. تولەۋتاي راقىمبەكوۆ - 3،03 پايىز

6. امانگەلدى تاسپيحوۆ - 1،41 پايىز

7. سادى-بەك تۇگەل - 0،86 پايىز

"قوعامدىق پىكىر" ينستيتۋتى بۇگىن كۇنى بويى سايلاۋ ۋچاسكەلەرىنىڭ شىعا بەرىسىندە ازاماتتارعا الەۋمەتتىك زەرتتەۋ Exit poll جۇرگىزدى. سۇحباتتاسۋشىلار 325 سايلاۋ ۋچاسكەسىندە ساۋالناما جۇرگىزدى. ونىڭ ىشىندە وبلىس ورتالىقتىرى مەن نۇر-سۇلتان، الماتى جانە شىمكەنت قالالارىندا 97 ۋچاسكە، شاعىن قالالاردا 94 ۋچاسكە، ال اۋىل وكرۋگتەرىندە 134 ۋچاسكە قامتىلدى"، - دەدى اينۇر ءماجيتوۆا.

ەسكەرتۋ!

جوعارىدا كورسەتىلگەن پايىزدىق كورسەتكىشتەر "قوعامدىق پىكىر" ينستيتۋتىنىڭ سايلاۋ ۋچاسكەلەرىندە جۇرگىزگەن ساۋالناماسىنىڭ ناتيجەسىندەگى ەكزيت-پولل كورسەتكىشى. قاتەلەسۋ مۇمكىندىگى - 3 پايىز.