ءىىم 9 ماۋسىمدا نۇر-سۇلتانداعى نارازىلىق كەزىندە ءۇش پوليسيانىڭ زارداپ شەككەنىن حابارلادى. بۇل تۋرالى ورتالىق سايلاۋ كوميسسياسىنداعى بريفينگ كەزىندە ىشكى ىستەر ءمينيسترىنىڭ ورىنباسارى مارات قوجايەۆ ايتتى دەپ جازادى Qamshy.kz اقپارات اگەنتتىگى ازاتتىق اقپاراتىن نەگىزگە الىپ.
قوجايەۆ "نارازىلار پوليسياعا تاس، قولدارىنا تۇسكەن زاتتاردى لاقتىردى. كوز اشىتاتىن باللون قولداندى" دەپ ايىپتادى.
ورتالىق سايلاۋ كوميسسياسىنداعى جيىندا قوجايەۆ 9 ماۋسىمداعى نارازىلىق كەزىندە 500-دەي ادام ۇستالعانىن، پوليسيا نارازىلاردى ۇستاۋ كەزىندە زاڭعا ساي ارەكەت ەتكەنىن ايتتى.
9 ماۋسىمدا قازاقستاندا پرەزيدەنت سايلاۋى ءوتتى. وسى كۇنى پوليسيا نۇر-سۇلتان، الماتى جانە شىمكەنتتە جۇزدەگەن ادامدى ۇستادى. ەلدە بىر-ەكى ساعات ينتەرنەت جۇمىسىندا اقاۋ بايقالدى.
پىكىر قالدىرۋ