ومبى قالاسىنىڭ تۇرعىندارى تازا قازاق تىلىندە حابارلاما تاراتاتىن راديونى ونلاين رەجيمدە تىڭداي الادى. يگى باستاماعا توعىزىنشى سىنىپ وقۋشىسى يليا گالسوۆ مۇرىندىق بولدى دەپ حابارلايدى Qamshy.kz اقپارات اگەنتتىگى استانا تەلەارناسىنا سىلتەمە جاساپ.

"راديو ارقىلى ءبىز قازاق حالقىنىڭ ءتىلىن، مادەنيەتىن، ادەت-عۇرپىن ناسيحاتتايمىز. ءقازىر گرانت بايقاۋىنا قاتىسىپ جاتىرمىز. كەيىن بۇكىل رەسەيگە جاريالاناتىن اۋە تولقىندى العىمىز كەلەدى. ناتيجەسىندە رەسەيدىڭ كەز كەلگەن جەرىندە جۇرگەن قازاقتار انا ءتىلىن جاتتاپ، تاريحي وتانى جايىندا بۇكىل جاڭالىقتاردان حاباردار بولادى"، - دەيدى يليا گالسوۆ.

ازىرگە تەك ونلاين رەجيمدە جۇمىس ىستەپ جاتقان راديودا قازاق اندەرى مەن جاڭالىقتار جاريالانىپ جاتىر. جاقىن ارادا يليا گالسوۆ قازاق ءتىلى كۋرستارىنىڭ اۋديو نۇسقاسىن ەنگىزبەك.

ايتۋىنشا، ازىرگە راديونى كۇنىنە 300-گە جۋىق ادام تىڭدايدى. تىڭدارمانداردىڭ اياسىن كەڭەيتۋ ءۇشىن ءجاسوسپىرىم جەكە اۋە تولقىنعا يە بولىپ، ونى بۇكىل رەسەيگە تاراتۋدى جوسپارلاپ وتىر. ايتا كەتۋ كەرەك، بۇگىندە تەك ومبى وبلىسىنىڭ وزىندە 80 مىڭنان استام ەتنيكالىق قازاق تۇرادى.