قازاقستانداعى كەزەكتەن تىس پرەزيدەنتتىك سايلاۋ كەزىندە، اتاپ ايتقاندا، 2019 جىلدىڭ 9 – 12 ماۋسىمى ارالىعىنداعى ەلدەگى بارلىق كۇشتىك قۇرىلىم اتاۋلىلاردىڭ (پوليسيا، اسكەر، سوت، پروكۋراتۋرا، ۇقك، ت.ب.) ايرىقشا قىراعىلىق تانىتىپ، اي مەن كۇننىڭ امانىندا كوشەگە شىققان بارشا قازاقتىڭ بەت-جۇزىنە قاراماي ارنايى كولىكتەرگە كۇشتەپ توعىتۋلارى، ولاردىڭ كوپشىلىگىنە ايىپپۇلدار سالۋى، پالەنباي تاۋلىككە قاماۋلارى ارتىندا كىم تۇر دەپ ويلايسىزدار؟..
ۋاقىتشا پرەزيدەنتتىك قىزمەتتى اتقارىپ جۇرگەن قاسىم-جومارت توقايەۆ ءالى تولىق پرەزيدەنت بولىپ سايلانا قويعان دا جوق. ونسىز دا انا «قۇدايعا» يمەنە ءارى جالتاقتاي قاراپ وتىرعان جاننىڭ ءوزىنىڭ قولىندا ەمەس كۇش قۇرىلىمدارىن ءوز حالقىنا ءدال اناداي دەڭگەيدە ايداپ سالادى دەگەنگە ازىرگە نەگىز دە جوق سياقتى ەدى.
ءوز حالقىنا (ونىڭ ءوز حالقى بولا قويسا؟) سونشاما قاتىگەزدىك تانىتۋدىڭ ارتىندا ءبىر ۇرەيدىڭ تۇرعانى انىق!..
ءبىراق، ابدەن قاجىعان، قىتايعا، باسقاعا ەسەپسىز تونالعان قازاق دەگەن ۇلتتى ول وسى شەكتەن شىققان قاتىگەزدىگىمەن ۇيقىسىنان شوشىتىپ وياتقانىن بىلە مە ەكەن؟
بۇل جولى ءبىزدىڭ «قويدان جۋاس» قازاقتىڭ وتىز جىلعا سوزىلعان ۇيقىدان شوشىپ ويانعانى – ايداي اقيقات ەدى!!!
ەندى ءبىزدىڭ ۇلت ەشقاشان دا قايتا قالعىمايدى!
ۇزاق جىل ءوز جەرىندە وگەي بالانىڭ كۇيىن كەشكەن قازاق ابدەن اشىندى دەسە دە بولادى. اشىنعان ۇلت - قانداي كۇشتەن دە قورىقپايدى، تايسالمايدى! قارسى شابادى، كۇش قولدانعاندارعا!
قازاعىمدى ۇيقىسىنان شوشىتىپ وياتقان كۇشتىك قۇرىلىمدارى ەمەس!
سايلاۋداعى سۇمدىقتاردى ءوز كوزدەرىمەن كورگەن ءارى اشىنعان قازاق سايلاۋشىلارىنىڭ ءوزى ەدى!
وسى دۇربەلەڭگە تولى كۇندەر مەن تۇندەردە ايرىقشا قايسارلىلىق پەن تاباندىلىق كورسەتكەن، تايسالماعان، قورىقپاعان، قازاقتارىم، سەندەرگە سول ەرلىكتەرىڭ ءۇشىن مىڭ العىس!!!
اتاپ ايتقاندا، انالارعا اشىق قارسىلىق كورسەتكەن سان مىڭداعان قازاق جاستارىنىڭ بولعانىن ەشكىم دە جوققا شىعارا المايدى!
قازاق جاستارى، قازاق دەگەن قايران ۇلتتىڭ، قايران ەلدىڭ بولاشاعى ەندى سەندەردىڭ قولدارىڭدا!
امان بولىڭدار، بار بولىڭدار، ۇلت تىرەكتەرى:
«ارىستانداي ايباتتىلارىم!
جولبارىستاي قايراتتىلارىم!..»(ماعجان جۇماباي)
اۆتور: جۇماش كوكبورى
پىكىر قالدىرۋ