بۇگىن نۇر-سۇلتان قالاسىنداعى قازاقستان ورتالىق كونسەرت زالىندا وتكەن جاڭا پرەزيدەنتتى ۇلىقتاۋ راسىمىندە انت بەرىپ، ارتىنشا ءسوز سويلەگەن قاسىم-جومارت توقايەۆ جاڭا مەملەكەتتىك ورگان قۇرىلاتىنى تۋرالى ايتتى دەپ حابارلايدى Qamshy.kz اقپارات اگەنتتىگى.

"مەن قوعامدىق كەلىسىم ۇلتتىق كەڭەسىن قۇرۋعا شەشىم قابىلدادىم. كەڭەس قۇرامىنا قوعامداعى بارشا تاپتىڭ وكىلدەرى، سونىمەن قاتار، جاستار كىرەدى. جاڭا ورگاننىڭ العاشقى وتىرىسى تامىز ايىنا جوسپارلانعان. بيلىك حالىق الدىنداعى ۋادەسىن ورىنداۋى ءتيىس"، - دەدى توقايەۆ.

ونىڭ ايتۋىنشا، بيلىكتىڭ ەڭ ماڭىزدى ميسسياسى – حالىق بىرلىگى مەن ەلدەگى تۇراقتىلىقتى ساقتاۋ.

"حالىق بىرلىگىن، ەلدەگى تۇراقتىلىقتى وسىلاي عانا نىقتاي الامىز. سوندىقتان، مەنىڭ سايلاۋالدى باعدارلامامداعى جوسپارلار بويىنشا ارنايى جوبالار دايىندالادى. ولاردى جۇزەگە اسىرۋدى دە جەدەلدەتۋ كەرەك. حالىق تاراپىنان كەلگەن ۇزدىك يدەيالار، ۇسىنىستار وسى قۇجاتتا كورىنىس تاپپاق. ءتۇرلى پىكىر، بىرىككەن ۇلت – بۇل ءبىزدىڭ باستى باعىتىمىز"، - دەپ ءتۇيدى ءسوزىن جاڭا پرەزيدەنت.