بەلگىلى جۋرناليست، ايتىسكەر اقىن باقىت جاعىپار ۇلى نارازىلىق شارالارىنا قاتىستى ازاماتتاردى اراڭداپ قالماۋعا شاقىردى دەپ حابارلايدى Qamshy.kz اقپارات اگەنتتىگى. 

"ءبىزدىڭ بار باقىتىمىز - قازاقستاننىڭ تاۋەلسىزدىگى، جەرىمىزدىڭ بۇتىندىگى. ۇرىس-كەرىس، داۋ-جانجالدان ەشتەڭە ونبەيدى. وتان وتباسىنان باستالادى دەسەك، ءارقايسىمىز ءوزىمىزدى، وتباسىمىزدى ويلاساق – ول وتاننىڭ بولاشاعى. ءسىز وتاننىڭ بولشەگىسىز. ءسىز ەلگە، جەرگە كەرەكسىز. وتباسىڭىزعا، بالا-شاعاڭىزعا كەرەكسىز. ءسىزدىڭ بۇل قادامىڭىزدى بىرەۋلەر تەرىس جولعا پايدالانىپ كەتۋى مۇمكىن. ءقادىرلى باۋىرلار، ءتۇرلى-تۇرلى ۇيىمداستىرىلىپ جاتقان شەرۋلەرگە بارماۋلارىڭىزدى وتىنەمىن. ءبىزدىڭ تەك قانا جالعىز ماقساتىمىز – تاۋەلسىز قازاقستاننىڭ بولاشاعى، بەيبىت زامانىمىزدىڭ باياندى بولۋى. اراڭداپ قالماڭىزدار، بار قازاعىم – ءبىر قازاق! مەن ءبارىڭىزدى جاقسى كورەمىن، امان بولايىق!" - دەيدى ۆيدەوۇندەۋدە.