قازاقستاندا ۇلتتىق قوعامدىق سەنىم كەڭەسى قۇرىلدى دەپ حابارلايدى Qamshy.kz اقپارات اگەنتتىگى اقوردانىڭ سايتىنا سىلتەمە جاساپ.
"قازاقستان رەسپۋبليكاسى پرەزيدەنتىنىڭ جانىنداعى ۇلتتىق قوعامدىق سەنىم كەڭەسى قۇرىلسىن"، - دەلىنگەن قۇجاتتا.
قازاقستان پرەزيدەنتىنىڭ اكىمشىلىگى ءبىر ايلىق مەرزىمدە ساياسي پارتيالار، ۇكىمەتتىك ەمەس ۇيىمدار كوشباسشىلارىمەن، ازاماتتىق سەكتور وكىلدەرىمەن كەڭەستى قالىپتاستىرۋ جانە ونىڭ جۇمىس ءتارتىبى ماسەلەلەرى بويىنشا كونسۋلتاسيالار وتكىزۋگە، وتكىزىلگەن كونسۋلتاسيالار قورىتىندىلارى بويىنشا قازاقستان رەسپۋبليكاسى پرەزيدەنتىنىڭ قاراۋىنا كەڭەستىڭ قۇرامى مەن كەڭەس تۋرالى ەرەجەنى ەنگىزۋ تاپسىرىلدى.
ۇلتتىق قوعامدىق سەنىم كەڭەسى نەمەن اينالىسادى؟
بۇگىن قاسىم-جومارت توقايەۆ قازاقستان پرەزيدەنتىن ۇلىقتاۋ راسىمىندە ۇلتتىق قوعامدىق سەنىم كەڭەسى قۇرىلاتىنىن مالىمدەدى.
مەملەكەت باسشىسى حابارلاعانداي، جاڭا ورگان بيلىك پەن قوعام اراسىندا ديالوگ ورناتۋ ءۇشىن قۇرىلادى.
كەڭەسكە جاستاردى قوسا العاندا بارلىق قوعام وكىلدەرى كىرەدى. ۇلتتىق قوعامدىق سەنىم كەڭەسىنىڭ العاشقى وتىرىسى 2019 جىلدىڭ تامىزىندا وتەدى دەپ جوسپارلانىپ وتىر.
پىكىر قالدىرۋ