بۇگىن قازاقستاننىڭ جاڭا پرەزيدەنتى قاسىم-جومارت توقايەۆتىڭ بۇيرىعىمەن نۇر-سۇلتان قالاسىنىڭ اكىمى بولىپ تاعايىندالعان التاي كولگىنوۆ الەۋمەتتىك جەلىلەردىڭ تۇراقتى ءارى بەلسەندى قولدانۋشىسى دەپ جازادى Qamshy.kz اقپارات اگەنتتىگى.
كولگىنوۆ 2017 جىلدان باستاپ Twitter جەلىسىن تۇراقتى پايدالانىپ كەلەدى. اتالعان جەلىدەگى پاراقشاسىنا باس قالانىڭ جاڭا اكىمى ءوزىنىڭ قىزمەت بارىسىنداعى فوتولاردى جاريالاپ، قازاق جانە ورىس تىلدەرىندە جازبا جاريالاپ وتىرادى.
ال ناۋرىز ايىنىڭ اياق شەنىندەگى توقايەۆتىڭ اكىمدەرگە جاساعان ۇسىنىسىنان كەيىن Instagram پاراقشاسىن اشىپ، بەلسەندىلىگىن ارتتىرا باستادى. بۇل جەلىدەگى كولگىنوۆتىڭ العاشقى جازباسى 3ء-ساۋىر كۇنى پايدا بولدى.
«قۇرمەتتى دوستار، Twitter-مەن قوسا Instagram جەلىسىن جۇرگىزۋدى دە قولعا الدىم. بۇل جەردە ايماق تىنىسىمەن تانىسا الاسىزدار، ماڭىزدى اقپاراتتار الا الاسىزدار. اشىقتىق جانە قولجەتىمدىلىك – ءبىزدىڭ جۇمىس قاعيدامىز»، - دەدى ول بقو اكىمى بولىپ تۇرعان كەزىندە.
Instagram-داعى پاراقشاسىنا نۇر-سۇلتاننىڭ جاڭا اكىمى ءوزىنىڭ جەكە ومىرىنە قاتىستى جازبالار دا جاريالاپ تۇرادى.
كەيدە 41 جاستاعى اكىم ءوزىنىڭ وقىرماندارىنا ساتتىلىك تىلەپ، سەلفي دە جاسايدى.
پىكىر قالدىرۋ