جاڭاوزەن قالاسىنىڭ حالقى مەن سايلاۋ ۋچاسكەلەرىنىڭ باقىلاۋشىلارى قوسىلىپ، كانديدات بولعان ءامىرجان قوسانوۆتىڭ سۋرەتتەرىن جيناپ، ورتتەپ جىبەردى دەپ جازادى Qamshy.kz اقپارات اگەنتتىگى. 

جاڭاوزەندەگى ءبىر توپ اشىنعان توپ قوسانوۆتىڭ سۋرەتتەرىنە وت قويىپ، جاعىپ جىبەردى. سايلاۋعا دەيىن قوسانوۆقا قۇدايىنداي سەنگەن قولداۋشىلار سايلاۋ بىتكەن سوڭ "ساتقىن" دەپ تانىپ، بارلىعى نارازىلىعىن بىلدىرگەن. بەينەماتەريالدا بەلگىسىز ادامدار:

"ارتىستەر بۇلاي وينامايتىن شىعار، قازاقتىڭ سەنىمىن ۇرلادىڭ. قارعىس اتسىن، سەنى. ماڭعىستاۋدىڭ قاسيەتتى توپىراعىنا اياعىڭنىڭ ۇشى تيمەيتىن بولسىن. جانىڭداعىلارمەن بىرگە جوق بولىپ كەت"،- دەپ قارعىس جاۋدىرۋدا. ءامىرجان قوسانوۆقا "ماڭعىستاۋ" دەگەن ءسوزدى ۇمىتىپ، ەكىنشى اۋزىنا الماسىن دەپ جاتىر. ءسوز اراسىندا:

بەينەكورىنىستە "حالىقتان ۇيالماي اقشا جينادىڭ، ۇياتسىز ەكەنسىڭ"،- دەگەن پىكىرلەر دە ايتىلادى.

ەسكەرتۋ! بالاعات سوزدەر بار!