سوڭعى ساياسي احۋالدارعا بايلانىستى الماتى قالاسىنىڭ تۇرعىندارى ءوز ويىن ءبىلدىردى دەپ حابارلايدى Qamshy.kz اقپارات اگەنتتىگى.

"ءبىز تىنىشتىقتى قالايمىز، ەلىمىزدە بەيبىت ءومىر سۇرگىمىز كەلەدى. ءبىراق وسىلايشا شۋ شىعارىپ، جاقسىلىقتى كۇتىپ وتىرعىمىز كەلمەيدى. ءبىز دامىعان، تاۋەلسىز ەلدە تۇرامىز. نە سەبەپتى ءبىز ءوز دارەجەمىزدى ءتۇسىرىپ، باسسىزدىققا جول بەرۋىمىز كەرەك؟ ءبىز كەرىسىنشە بەلگىلى ءبىر دەڭگەيدە ءوسۋدى ويلامايمىز با؟ ادامدار بالالارىنىڭ بولاشاعى ءۇشىن تىنىشتىقتى قالاعانى دۇرىس. ءبىز بارىنەن دە بالالارىمىزدىڭ بولاشاعى ءۇشىن قورقامىز. وسىلاي جالعاسا بەرسە، ولار بىزدەن نە كۇتەدى؟ قالاي تاربيەلەيمىز؟ بالالارىمىز سىرتتا ءجۇرىپ، بولعان وقيعالاردى باقىلاپ، ايتىپ كەلەدى. شىنىن ايتساق ولار قورقىپ قالعان. ءبىز بەيبىت ەلدە ءومىر سۇرگىمىز كەلەدى. بارىنە تىنىشتىق تىلەيمىز"، - دەيدى.

الماتى قالاسىنىڭ تۇرعىندارى بەيبىت جولمەن شەشىلىپ، مۇنداي باسسىزدىقتارعا جول بەرىلمەۋىن قالايدى. سوعىسىپ، قان توگىلەتىن ۇرىستار وتكەن كۇننىڭ ەنشىسىندە كەتكەن، ءقازىر بارلىعىن سانالى تۇردە شەشىپ، بايىپتى امالىن ىزدەيتىن ۋاقىت جەتتى دەيدى.