قازاقستان پرەزيدەنتى قاسىم-جومارت توقايەۆ قىرعىزستاننىڭ پرەزيدەنتى سوورونباي جەەنبەكوۆپەن كەزدەستى دەپ جازادى Qamshy.kz اقپارات اگەنتتىگى اkorda.kz-كە سىلتەمە جاساپ.
كەزدەسۋدە توقايەۆ ءوزىنىڭ قازاقستان رەسپۋبليكاسى پرەزيدەنتى قىزمەتىنە رەسمي كىرىسكەننەن كەيىنگى العاشقى ساپارىن قىرعىز رەسپۋبليكاسىنان باستاعانىنىڭ سيمۆولدىق ءمانى بارىن ايتىپ، جىلى قابىلداعانىنا ريزاشىلىعىن ءبىلدىردى.
"ۇلىقتاۋ راسىمىنەن كەيىن بىشكەك قالاسىندا كەزدەسۋىمىز – جاقسىلىقتىڭ نىشانى. ءبىز جاقىندا نۇر-سۇلتان قالاسىندا كەزدەسىپ، ەكى جاقتى ىنتىماقتاستىقتىڭ ءبىرقاتار ماسەلەلەرىن تالقىلادىق. ءبىزدىڭ قازىرگى مىندەتىمىز – سول كەلىسىمدەردى جۇزەگە اسىرۋ"، – دەدى قازاقستان پرەزيدەنتى.
ال سوورونباي جەەنبەكوۆ توقايەۆتى سايلاۋداعى جەڭىسىمەن قۇتتىقتاپ، بۇدان ءارى دە ەكى ەلدىڭ قارىم-قاتىناستارىنىڭ نىعايا تۇسەتىنىنە سەنىم ءبىلدىردى.
تاراپتار الداعى شانحاي ىنتىماقتاستىق ۇيىمى ءسامميتىنىڭ كۇن ءتارتىبى بويىنشا پىكىر الماستى.
توقايەۆ شانحاي ىنتىماقتاستىق ۇيىمىنا مۇشە مەملەكەتتەر باسشىلارىنىڭ شاعىن جانە كەڭەيتىلگەن قۇرامدا وتەتىن وتىرىستارىنا قاتىسادى. سامميت قورىتىندىسى بويىنشا ءبىرقاتار قۇجاتتارعا قول قويىلادى جانە قابىلدانادى دەپ جوسپارلانۋدا.
سونىمەن قاتار، توقايەۆ ءبىرقاتار ەكىجاقتى كەزدەسۋلەر، سونىڭ ىشىندە قىرعىز رەسپۋبليكاسىنىڭ پرەزيدەنتى سوورونباي جەەنبەكوۆپەن، قحر ءتوراعاسى سي سزينپينمەن، سونداي-اق، اۋعانستان يسلام رەسپۋبليكاسىنىڭ پرەزيدەنتى مۇحاممەد اشراف عانيمەن ەكىجاقتى كەزدەسۋلەر وتكىزەدى.
پىكىر قالدىرۋ