نارازىلىق شارالارىنا قاتىستى ونەر قايراتكەرلەرى دە ءۇن قوسىپ، ەلدەگى تىنىشتىقتى ساقتاۋعا شاقىردى دەپ حابارلايدى Qamshy.kz اقپارات اگەنتتىگى. 

الىبەك اسقاروۆ،  اقىن: 

الماتى مەن نۇر-سۇلتان قالالارىندا بولىپ جاتقان جاعدايلار وتانداستارىمىزدى تەرەڭ تولعاندىرۋدا. بۇل وقيعالار بەيجاي قارايتىن جاعداي ەمەس. اركەز وتانىمىز تىنىش، تاۋەلسىزدىگىمىز باياندى بولسىن دەپ تىلەيمىز. ەلدىڭ تىنىشتىعى قاشاندا باعالى. كىمدە كىم بولسىن، بالالارىمىزدىڭ، نەمەرەلەرىمىزدىڭ بولاشاعى، زامانى تىنىش بولسا ەكەن دەيمىز. ءبىز تاۋەل­سىزدىگىمىزدى العانىمىزعا 28 جىل بولدى. وسى ۋاقىتتا ءبىز ءوزىمىزدىڭ بوستاندى­عىمىزعا، قاۋىپسىزدىگىمىزگە، دەموكراتياعا قول جەتكىزدىك. ەڭ باستىسى، ءبىز وسىپ-جەتىلدىك. 

كۇنسۇلۋ شاياحمەتوۆا، تەاتر جانە كينو اكتريساسى:

سايلاۋدان كەيىن بولعان جاعىمسىز وقيعالار جۇرتتىڭ ابىگەرىن تۋعىزدى. ەندى وتكەن ءوتتى، بولعان ءىس بولدى. نەگە مۇنداي وقيعا ورىن الدى؟ ءبىزدى بۇل سۇراق الدا دا تالاي ويلاندىرارى انىق. ەندىگى جەردە، قازاقستان حالقى بىرلىگىمىزدى نىعايتىپ، ەلىمىزدىڭ بۇگىنگىسى، بولاشاعى، ۇرپاقتارىمىزدىڭ كەلەشەگى ءۇشىن ەلدە بىرلىك پەن بەيبىت ءومىر بولۋىنا بىركىسىدەي كۇش جۇمساۋىمىز كەرەك. تەق قانا ءومىرى بەيبىت، بىرلىگى جاراسقان ەلدە عانا حالىقتىڭ ءال-اۋقاتى كوتەرىلىپ، العا جىلجيدى.