گرەك-ريم كۇرەسىنەن الەم جانە ەۋروپا چەمپيونى، وليمپيادا ويىندارىنىڭ بىرنەشە دۇركىن جۇلدەگەرى داۋلەت تۇرلىحانوۆتىڭ اناسى تۇرلىxانوۆا مارزيا ايتباي قىزى دۇنيەدەن ءوتتى دەپ حابارلايدى Qamshy.kz اقپارات اگەنتتىگى.
بۇل تۋرالى مادەنيەت جانە سپورت ءمينيسترى ارىستانبەك مۇحامەدي ۇلى فەيسبۋك پاراقشاسىندا جازدى.
"ەڭ جاقىن ادامى - انالارى ءمارزيا ايتبايقىزىنان ايىرىلعان تۇرلىحانوۆتار وتباسىنا قايعىرىپ كوڭىل ايتامىن. دۇنيەگە ون بالا اكەلىپ، تاربيەلەپ وسىرگەن، سولاردىڭ ىشىندە گرەك-ريم كۇرەسىنەن كسرو سەگىز دۇركىن چەمپيونى، الەم كۋبوگىنىڭ ەكى دۇركىن يەگەرى، وليمپيادا ويىندارىنىڭ جۇلدەگەرى داۋلەت تۇرلىحانوۆتىڭ اناسى مەيىرىمدى، پاراساتتى تۇلعا ەدى.
باتىر انا، قازاق سسر ەڭبەك سىڭىرگەن ۇستازى، ق ر ءبىلىم بەرۋ ۇزدىگى، ق ر ەڭبەك سىڭىرگەن قايراتكەرى، دارىندى بالالارعا ارنالعان «بولاشاق» مەكتەبىنىڭ نەگىزىن قالاۋشى جانە ديرەكتورى، ناعىز ۇستاز ءمارزيا ايتباي قىزى بالا تاربيەسىندە ءوز باسىنىڭ ۇلگىسى ماڭىزدى دەپ سانايتىن. ءوزىنىڭ بولاشاق ومىرلىك جولداسى بولات تۇرلىحانۇلىمەن شاڭعى جارىسىندا تانىسىپ، كەيىن وتباسىن قۇرىپ، بالالارىن سپورت پەن تارتىپكە باۋلىپ، باقىتتى عۇمىر كەشتى. اتاقتى قازاق كۇرەسشىسى، قازاقستاننىڭ ەڭبەك سىڭىرگەن باپكەرى بولات تۇرلىحانۇلىمەن ءمارزيا ايتباي قىزى و دۇنيەدە كەزدەسەدى دەپ سەنەمىن. يماندى بولسىن.
قوشتاسۋ ءراسىمى 17 ماۋسىم كۇنى ساعات 10:00 «دوستىق» سپورت سارايىندا وتەدى. مەكەن-جايى: اباي داڭعىلى، 48 ا" دەلىنگەن جازبادا.
Qamshy.kz اقپارات اگەنتىگىنىڭ ۇجىمى مارزيا ايتباي قىزىنىڭ وتباسىنا جانە داڭقتى بالۋان داۋلەت بولات ۇلى تۇرلىحانوۆقا كوڭىل ايتادى.
پىكىر قالدىرۋ