ماڭعىستاۋ وبلىسىندا ات تەپكەننەن كەيىن اۋىر جاراقات العان بەس جاسار بالانى وتاعا دايىنداپ جاتىر دەپ حابارلايدى Qamshy.kz اقپارات اگەنتتىگى Lada.kz. سايتىنا سىلتەمە جاساپ.
بالانىڭ اتا-اناسىنىڭ ايتۋىنشا، وقيعا جەكە ءۇيدىڭ اۋلاسىندا بولعان.
"قازىرگى ۋاقىتتا ونىڭ جاعدايى تۇراقتى، بالا جاق-بەت حيرۋرياسىندا وپەراسياعا دايىندالۋدا"، - دەدى ماڭعىستاۋ وبلىسى دەنساۋلىق ساقتاۋ باسقارماسىنىڭ باسپا ءسوز قىزمەتى.
بالا وبلىستىق اۋرۋحاناعا مۇنايلى اۋدانىنىڭ باياندى اۋىلىنان تۇسكەن. تەكسەرىستەن كەيىن دارىگەرلەر ناۋقاس جابىق باس سۇيەك-مي جاراقاتىن العانىن انىقتادى، سونداي-اق ميى شايقالىپ، بەت سۇيەگى جارىقشاقتانىپ سىنعان. بۇدان باسقا، بالانىڭ مۇرىن قالقاسى قيسايىپ، جوعارعى جانە تومەنگى ەرىندەرى زاقىمدانعانى بەلگىلى بولدى.
پىكىر قالدىرۋ