سايلاۋ كۇنى "حيت" بولعان سۋرەتتەگى ۇلتتىق ۇلاننىڭ قاتارىنداعى سارباز - شاميل حاسانوۆ پەن كىشكەنتاي ايرين كەزدەستى دەپ حابارلايدى Qamshy.kz اقپارات اگەنتتىگى.

بۇل تۋرالى قىزدىڭ اناسى ينستاگرامداعى جەكە پاراقشاسىندا جازدى.

"بۇل جازبانى جازعان بويدا كوپ ادام مۇنى دا قويىلىم دەپ، سان ءتۇرلى پىكىر جازاتىنى ايدان انىق ەدى. دوستار، توعىز اي قۇرساعىندا كوتەرگەن بالاسىن شەرۋگە شىعارىپ، قويىلىمعا قاتىستىرۋ ءۇشىن اناسىنا قانشالىقتى كوپ قارجى تولەۋ كەرەگىن دە بىلمەيمىن. ءوز اتاق-ابىرويىن، مانسابىن ساتىپ كەتۋ ءۇشىن جۋرناليسكە قانشا اقشا تولەيتىنىنەن حابارىم جوق.  سوسىن تىرناق استىنان كىر ىزدەگەن ادام قاشان دا بولا بەرەدى دەپ، بارىنە قول سىلتەدىم.

@ktktv تەلەارناسىنىڭ قولداۋىمەن بالاپانىم ءدال سول تانىمال بولعان ساربازبەن كەزدەستى. 
شاميل (@shoma_hasanov) ءبىزدى سىيلىقتارمەن قارسى الدى. قىزىما قۋىرشاق پەن شوكولاد، ماعان ءبىر شوق راۋشان گۇلدەرىن الىپ كەلىپتى. وعان قوسا، ارىپتەستەرى كىشكەنتاي بالاپانىما گيتارامەن ءان شىرقاپ بەردى.

ءشاميلدىڭ اتا-اناسىنا وسىنداي ۇل تاربيەلەگىنە العىس ايتقىم كەلەدى. ول قىزىم ايرينمەن بيلەپ، سۋرەتكە دە ءتۇستى. 

بۇل تۋرالى 15 ماۋسىم كۇنى كتك تەلەارناسىنان ساعان 21.00-دەگى جاڭالىقتاردان كورە الاسىزدار. العان اسەرىمدى ايتىپ جەتكىزە المايمىن" دەلىنگەن جازبادا.