كينو سۇيەر كورەرمەنگە بەلگىلى قويۋشى - رەجيسسەر، "ەرتۇعىرىل" سەريالىنىڭ اۆتورى ءارى رەجيسسەرى گيۋناي مەتين ورتاعاسىرلىق ساۋران قالاشىعىن ارالادى دەپ حابارلايدى Qamshy.kz اقپارات اگەنتتىگى.

ق ر مادەنيەت جانە سپورت ءمينيسترى ارىستانبەك مۇحامەديۇلىمەن وتىرارتوبە قالاشىعىن ارالاپ،  فيلمگە دايىندىق جونىندە پىكىر بىلدىرۋدەن باستالعان ساپار تاريحقا باي ساۋراننىڭ سىرلى الەمىمەن تانىستى.

"ءفيلمنىڭ سەنارييىن جازۋ بارىسىندا قازاقستانداعى تاريحي جەرلەر جايلى دا كوپ ىزدەندىم. تۇركىستان قازاقتىڭ حاندارى مەن باتىرلارىنىڭ سۇيەگى جاتقان جەر. مادەنيەت جانە سپورت ءمينيسترى ارىستانبەك مۇحامەدي ۇلىنىڭ دا ۇسىنىسى مەنىڭ ىزدەنىسىمە ۇشتاسا ءتۇستى. سوندىقتان وتىرارتوبە مەن ساۋراننىڭ دەرەكتەرى مەن تاريحي ىزدەرى فيلمدە كورىنىس تاپسا دەگەن وي تۋىندادى. الدىن الا تانىسىپ كورۋ جۇمىستارىن باستادىق"،- دەدى رەجيسسەر مەتين گيۋناي.

ايتا كەتسەك، جۋىردا عانا  ق ر مادەنيەت جانە سپورت ءمينيسترى ارىستانبەك مۇحامەدي ۇلى تۇركىستان وبلىسىنداعى تاريحي ورىندارعا جاساعان ساپارى بارىسىندا ساۋران قالاشىعىنىڭ تاريحي كەلبەتىن ساقتاي وتىرىپ، قايتا قالپىنا كەلتىرۋ جۇمىستارىن جۇرگىزۋ، تۋريستىك ورتالىققا اينالدىرۋ بويىنشا مالىمدەگەن بولاتىن.  ءمينيستردىڭ "كينولاردا قازاق حالقىنىڭ ءومىرىن كورسەتۋ ءۇشىن تەك كيىز ءۇيدى ورناتا بەرۋ دۇرىس ەمەس. ءبىزدىڭ نەگىزگى بەينەمىز تاريحي قالالاردى تۇرعىزعان كورەگەندىلىكتە جاتىر. سونىڭ ءبىر مىسالى رەتىندە ساۋران قالاسىن ايتۋعا بولادى. ءاربىر كىرپىشىنىڭ وزىندە سول عاسىرداعى تەرەڭ فيلوسوفيا جاتىر"،- دەگەنى بەلگىلى.

وسى ورايدا، قازاق ورداسىنىڭ نەگىزىن سالۋشى، قول باستاۋدا دا، ەل باسقارۋدا دا ەجەلگى ءاتا-داستۇرىن  مەڭگەرگەن قاسىم حان جايلى 75 سەريالى فيلم بەلگىلى سۇلتان، داڭقتى ءباحادۇردىڭ قايراتكەرلىك جولىن كورسەتپەك.