9-ماۋسىم كۇنى شىمكەنت قالاسىندا 15 جاسقا تولعان جاس قىز وز-وزىنە قول جۇمسادى. ءۇش كۇن بويى اجالمەن ايقاسقان بويجەتكەننىڭ ءومىرىن ساقتاپ قالۋ دارىگەرلەردىڭ قولىنان كەلمەدى دەپ جازادى Qamshy.kz اقپارات اگەنتتىگى.

ۇستىمىزدەگى جىلدىڭ 12-ماۋسىمىندا شىمكەنت قالاسىنىڭ 15 جاستاعى تۇرعىنى ادەلينا ورازبايەۆا ومىردەن ءوتتى. ول 9-ماۋسىم كۇنى وز-وزىنە قول جۇمساعان. اۋرۋحاناعا جەتكىزىلىپ، دارىگەرلەر قاجەت كومەكتى كورسەتكەنىمەن، ءومىرىن ساقتاپ قالۋعا قاۋقارسىز بولدى.

سەبەپ بولعان...

2018 جىلدىڭ 26ء-ساۋىرى كۇنى ادەلينانى ءبىرشاما تانىس جىگىت تۋعان كۇن كەشىنە شاقىرادى. شاقىرعان جىگىت الەۋمەتتىك جەلىدە ايتارلىقتاي تانىمال ءارى ءانشى بولىپتى-مىس.

جاس قىز ونىڭ شاقىرۋىنا ەش ءشۇبا كەلتىرمەگەن. ويتكەنى، جىگىتتى كوپ ادام بىلەتىندىگى سەنىم بەرىپتى قىزعا.

ۇيىنە جاس قىزدى تۋعان كۇنىن "تويلاۋدى" سىلتاۋراتىپ، الداپ شاقىرعان جىگىت انايى ارەكەتكە باسقان. قىز امالىن تاۋىپ، سىتىلىپ شىققانىمەن، بولعان وقيعادان كەيىن اۋىر پسيحولوگيالىق سوققى العان. ءدال سول سوققى ونىڭ ولىمىنە اكەلىپ سوقتى.