BoxingScene.com پورتالىنىڭ تانىمال ساراپشىسى ستيۆەن ەدۆاردس قازاقستاندىق بوكسشى گەنناديي گولوۆكيننىڭ (39-1-1، 35 كو) قارتايا باستاعانىن مالىمدەدى، - دەپ حابارلايدى Qamshy.kz اقپارات اگەنتتىگى tengrinews.kz سايتىنىڭ مالىمەتىن نەگىزگە الا وتىرىپ.

"مەنىڭشە، گولوۆكين ءوزىن جاقسى كورسەتتى. روللس سەكىلدى بوكسشىلاردى گولوۆكين اپ-ساتتە جەڭەدى. كەزدەسۋدىڭ باستاپقى راۋندىندا روللس سياقتى بوكسشىلار جەڭىلىس تابادى. گولوۆكيننىڭ باستى پروبلەماسى - ول ءوز دەڭگەيىنە قايتا ورالا الماي ءجۇر. گەننادييدىڭ جاسى 37-دە، ونىڭ بوكسشى رەتىندە قارتايىپ جاتقانىن كورىپ تۇرعانىم جوق. ول VADA ءۇشىن ءاردايىم دوپينگ-سىناقتاردان وتەدى. گولوۆكين جوعارى دەيگەيلى كەزدەسۋلەر وتكىزىپ جۇرگەندە كوپ بوكسشى ودان قاشقان ەدى. ال "كانەلو" - ۇلى بوكسشى، وعان قوسا ول ءالى جاس. نەگىزى دوپينگ قولدانبايتىن بوكسشىلار 37 جاسىندا قارتايادى. ادام سولاي جاراتىلعان. كوپتەگەن بوكسشى 27 جاسىندا مىقتى بولعان، ءبىراق 37 جاسىندا ەمەس. بۇل پىكىرىم ونىڭ ماشىقتارىن جوققا شىعارمايدى. ءالى كۇنگە دەيىن ونىڭ سوققىسى مىقتى. ءبىراق ونىڭ جىلدامدىعى ازايىپ كەلەدى. سوندىقتان وعان ەندى جاس بوكسشىلارمەن جۇدىرىقتاسۋ قيىنعا سوعادى"، - دەيدى ول.

ايتا كەتەيىك، گەنناديي گولوۆكين 8 ماۋسىمدا نيۋ-يوركتە كانادالىق ستيۆ روللستى ءتورتىنشى راۋندتا نوكاۋتپەن جەڭگەن. گولوۆكيننىڭ رولسسپەن جەكپە-جەگى DAZN-مەن ءۇشجىلدىق التى كەزدەسۋىنىڭ ءبىرىنشىسى جانە دجوناتان بەنكستىڭ باپكەرلىگىمەن وتكىزگەن العاشقى جەكپە-جەگى.