جاڭا مادەنيەت جانە سپورت ءمينيسترىن پرەمەر-مينيستر كەڭسەسىنىڭ باسشىسى عالىمجان قويشىبايەۆ تانىستىردى دەپ حابارلايدى Qamshy.kz اقپارات اگەنتتىگى اقورداعا سىلتەمە جاساپ. 

مادەنيەت جانە سپورت ءمينيسترى بولىپ اقتوتى راحمەتوللا قىزى رايىمقۇلوۆا تاعايىندالدى.  

مەملەكەت باسشىسىنىڭ جارلىعىمەن ارىستانبەك مۇحامەدي ۇلى باسقا جۇمىسقا اۋىسۋىنا بايلانىستى ق ر مادەنيەت جانە سپورت ءمينيسترى قىزمەتىنەن بوساتىلدى.

رايىمكۇلوۆا اقتوتى راحمەتوللا قىزى، 1964 جىلى دۇنيەگە كەلگەن. قۇرمانعازى اتىنداعى الماتى مەملەكەتتىك كونسەرۆاتورياسىنىڭ «كومپوزيسيا» جانە «فورتەپيانو» ماماندىقتارىن (1987 ج.)، «كومپوزيسيا» ماماندىعىنىڭ اسسيستەنتۋراسىن (1994 ج.) ءبىتىردى. 

سونىمەن قاتار حالىقارالىق بيزنەس اكادەمياسىنىڭ «مەنەدجمەنت» ماماندىعىنىڭ ماگيستراتۋراسىن (2007) ءتامامداعان.  DBA (Doctor of Business Administration) عىلىمي اتاعىنىڭ يەگەرى. 

 1990-1991 جىلدارى – قازاق مەملەكەتتىك قىزدار پەداگوگيكالىق ينستيتۋتىنىڭ وقىتۋشىسى، قۇرمانعازى اتىنداعى الماتى مەملەكەتتىك كونسەرۆاتورياسىنىڭ وقىتۋشىسى. 

1991-1994 جىلدارى –  قۇرمانعازى اتىنداعى الماتى مەملەكەتتىك كونسەرۆاتورياسىندا اسيستەنتۋرا-ستاجەر. 

1995-2011 جىلدارى – قۇرمانعازى اتىنداعى الماتى مەملەكەتتىك كونسەرۆاتورياسىندا «ديريجەرلاۋ» كافەدراسىنىڭ مەڭگەرۋشىسى، وقىتۋشى، رەكتور كومەكشىسى، دوسەنت، پروفەسسور م. ا.، الەۋمەتتىك-ەكونوميكانى ۇيىمداستىرۋ جونىندەگى پرورەكتورى. 

2003-2007 جىلدارى – الماتى مەملەكەتتىك كونسەرۆاتورياسىندا «كومپوزيسيا جانە وركەسترلىك ديريجەرلاۋ» كافەدراسىنىڭ مەڭگەرۋشىسى. 

2005-2007 جىلدارى –حالىقارالىق بيزنەس اكادەمياسىنىڭ «مەنەدجمەنت» ماماندىعىنىڭ ماگيسترانتى. 

2007-2008 جىلدارى – الماتى مەملەكەتتىك كونسەرۆاتورياسىندا «كومپوزيتور جانە ارت-مەنەدجمەنت»كافەدراسىنىڭ مەڭگەرۋشىسى. 

2007-2010 جىلدارى – رەسەي فەدەراسياسى ۇكىمەتىنە قاراستى حالىق شارۋاشىلىق حالىقارالىق بيزنەس اكادەمياسىندا «سوۆەرشەنستۆوۆانيە ورگانيزاسيوننو-ەكونوميچەسكوگو مەحانيزما ۋپراۆلەنيا پروەكتامي ۆ سوسيالنو-كۋلتۋرنوي سفەرە» اتتى دوكتورلىق ديسسەرتاسيانى قورعاپ DBA (Doctor of Business Administration) عىلىمي اتاعىن الدى. 

2013-2014 جىلدارى – قۇرمانعازى اتىنداعى الماتى مەملەكەتتىك كونسەرۆاتورياسىندا عىلىمي-شىعارماشىلىق ىستەرى جونىندەگى پرورەكتورى. 

2014 ج. ماۋسىم – 2014 ج. قاراشا – ق ر مادەنيەت جانە سپورت مينيسترلىگى مادەنيەت جانە ونەر ىستەرى كوميتەتى ءتوراعا ورىنباسارىنىڭ م.ا. 

2014-2016 جىلدارى – مادەنيەت جانە سپورت مينيسترلىگى مادەنيەت جانە ونەر ىستەرى دەپارتامەنتىنىڭ ديرەكتورى جانە ۆيسە-مينيستر قىزمەتىن اتقاردى.