Facebook الەۋمەتتىك جەلىسىندە جۋرناليست باقىتجان قوسبارماقوۆ قوعام بەلسەندىسى مارعۇلان سەيسەمبايدىڭ قوعامدىق سەنىم جونىندەگى ۇلتتىق كەڭەس قۇرۋ تۋرالى ايتقانىنا پىكىرىن ءبىلدىردى دەپ جازادى Qamshy.kz اقپارات اگەنتتىگى.
"مارعۇلان سەيسەمباي قوعامدىق سەنىم جونىندەگى ۇلتتىق كەڭەس تۋرالى ايتىپ جاتىر. سوعان جازعان پىكىرىم ەدى. "ورايى كەلسە، وراق ورىپ، كەزى كەلسە، كەتپەن شاۋىپ" دەگەندەي، "ءسوزىمىز وتەر مە ەكەن" دەگەن ويمەن امال جوق، اقىن بولىپ كەتۋگە تۋرا كەلدى"، - دەپ جازعان قوسبارماقوۆ پىكىرىن ولەڭمەن جەتكىزىپتى.
"ءاي، مارعۇلان، مارعۇلان!
ناركەسكەندەي نار قۇلان،
ەل باستايتىن ەر قۇلان،
كەكشىل باستى كەر قۇلان!
ايتقان سوزگە كونبەدىڭ،
وزىڭدىكىن "ءجون" دەدىڭ.
كەڭەس پە ەدى سەنگەنىڭ؟!
ول - بۇعالىققا كونگەنىڭ!
ءاي، مارعۇلان، مارعۇلان!
كەرەگەدە كەر جىلان،
دودەگەدە ور جىلان،
ساعانا بويى - سارى جىلان،
بوساعادا بوز جىلان،
قوسوبادا قىرىق جىلان،
ىرگەدە جاتىر ءجۇز جىلان.
توردە جاتىر سۇر جىلان،
بارىنەن دە سۇم جىلان،
ءقاۋىپتىسى - سول جىلان،
ماڭدايعا بىتكەن سور جىلان.
سول جىلانداردىڭ ورداسىنا بارعانىڭ -
حاس بالەگە قالعانىڭ،
حالقىڭدى وتقا سالعانىڭ.
اڭعالدىقپەن بارساڭىز -
شايناۋدا كەتەر بارماعىڭ.
ايارلىقپەن بارساڭىز،
اياردىڭ ءتىلىن الساڭىز -
قاھارىنا ۇشىرايسىڭ اللانىڭ،
اشكەرە بولار جالعانىڭ.
ەر كەزەگى - ءبىر رەت،
تەك قاپيادا قالماعىن،
ءسوزىمنىڭ بىلگەي سالماعىن.
ايتپادى دەسەڭ - ماعان سەرت!
"قايتپادىم" دەسەڭ - ساعان سەرت!
جول تاپپاي ەل ساندالدى،
جىلپوستارعا الداندى،
ساتقىندىق دەگەن - جامان دەرت"، - دەدى باقىتجان قوسبارماقوۆ
پىكىر قالدىرۋ