حالىقارالىق بوكس ۇيىمىنىڭ (IBO) رەسمي تۆيتتەرى قازاقستاندىق گەنناديي گولوۆكيننىڭ كەلەسى قارسىلاسىن انىقتاۋ ءۇشىن ساۋالناما جۇرگىزدى دەپ حابارلايدى Qamshy.kz اقپارات اگەنتتىگى Vesti.kz cايتىنا سىلتەمە جاساپ.
ساۋالنامادا ورتا سالماقتا WBC، WBA (Super) جانە IBF تيتۋلدارىنىڭ يەگەرى مەكسيكالىق ساۋل الۆارەس ءبىرىنشى ورىن الدى. ونى داۋىس بەرۋشىلەردىڭ 59 پايىزى تاڭداعان. ەكىنشى ورىندا ورتا سالماقتا WBO بەلبەۋىنىڭ يەگەرى امەريكالىق دەمەتريۋس اندرادە تۇر - 20 پايىز. ودان كەيىنگى ورىنداردى ەكىنشى ورتا سالماقتا WBO تۇجىرىمى بويىنشا الەم چەمپيونى بيللي دجو سوندەرس (15 پايىز) پەن ورتا سالماقتا WBC "ۋاقىتشا" بەلبەۋىنىڭ يەگەرى امەريكالىق دجەرمالل چارلو (5 پايىز) ەنشىلەدى.
گولوۆكين IBO تيتۋلىن 2011 جىلى جەڭىپ العان ەدى، ونى 2018 جىلدىڭ قىركۇيەگىنە دەيىن قورعاپ كەلگەن. بىلتىر الۆارەستەن تورەشىلەر شەشىمىمەن جەڭىلگەن سوڭ بارلىق تيتۋلىنان ايىرىلعان بولاتىن. ال بيىل 8 ماۋسىمدا نيۋ-يوركتە DAZN ستريمينگ سەرۆيسىندە دەبيۋتىن وتكىزىپ، كانادالىق ستيۆ روللستى ءتورتىنشى راۋندتا نوكاۋتپەن جەڭدى. كەزدەسۋدەن كەيىن گولوۆكين "كانەلونى" جەكپە-جەككە شاقىرعان ەدى.
؟؟ Who do you want to see Gennady Golovkin fight next ⁉️
— IBOBoxing (@IBOBoxing) 14 يۋنيا 2019 گ.
