الماتى قالاسىندا حالىقارالىق اقپاراتتىق تەحنولوگيالار ۋنيۆەرسيتەتىنىڭ بۇرىنعى رەكتورى دامير شىنىبەكوۆ سىبايلاس جەمقورلىققا قاتىسى بار دەگەن ايىپپەن تۇتقىندالدى دەپ جازادى Qamshy.kz اقپارات اگەنتتىگى ازاتتىق راديوسىنا سىلتەمە جاساپ.
الماتى قالالىق سوتىنىڭ باسپا ءسوز حاتشىسى دياس ماحامبەتوۆ ءوز سوزىندە كۇدىكتىنىڭ ەكى اي تەرگەۋ يزولياتورىندا قاماۋعا الىناتىنى تۋرالى ايتتى.
- "باقىلاۋدا ۇستاۋ مەرزىمى 29 مامىر مەن 29-شىلدە ارالىعىندا ەسەپتەلەدى"، - دەدى ول.
شىنىبەكوۆ ءبىرشاما ۋاقىت بۇرىن سوتقا اپپەلياسيالىق شاعىم تۇسىرگەن. دەگەنمەن، الماتى قالالىق سوتى كۇدىكتىنىڭ ءوتىنىشىن قاناعاتتاندىرمادى.
41 جاستاعى شىنىبەكوۆ ەكونوميكا عىلىمدارىنىڭ دوكتورى جانە الماتى قوعامدىق كەڭەسىنىڭ مۇشەسى. سونداي-اق، 2009 جىلدان باستاپ ۇستىمىزدەگى جىلدىڭ كۇزىنە دەيىن ءىت ۋنيۆەرسيتەتىنىڭ رەكتورى قىزمەتىن اتقارعان. 2017 جىلى الماتى ءماسليحاتىنىڭ دەپۋتاتى بولىپ سايلاندى.
پىكىر قالدىرۋ