ششۋچينسك قالاسىندا وتكەن باسكەتبولدان ەرلەر اراسىندا قازاقستان رەسپۋبليكاسىنىڭ V جازعى سپارتاكيادا ويىندارى وتكەن بولاتىن. ءتورت جىلدا ءبىر رەت وتەتىن بۇل سايىستا وبلىس قۇراماسى قولا جۇلدەگە يە بولدى. سونداي-اق، 2004-2005 جىلعى جاسوسپىرىمدەر اراسىندا قازاقستان چەمپيوناتىندا سپورتشىلارىمىز قولا جۇلدەگەر اتاندى.
قوستاناي قالاسىندا وتكەن مۋاي-تايدان ەرلەر مەن ايەلدەر اراسىندا قازاقستان رەسپۋبليكاسىنىڭ چەمپيوناتى ءوتىپ، وندا جەرلەستەرىمىز 4 التىن، 1 كۇمىس جانە 5 قولا مەدالدى قانجىعالارىنا بايلاپ، جالپى كوماندالىق ەسەپتە ەكىنشى ورىنعا يە بولدى.
ال، پەتروپاۆل قالاسىندا وتكەن ءورت ءسوندىرۋ-قۇتقارۋ سپورتى بويىنشا فەدەراسيا كۋبوگىندە اتىراۋ وبلىسى قۇراما كومانداسى جالپى كوماندالىق ەسەپتە ەكىنشى ورىنعا قول جەتكىزدى.
اتىراۋ وبلىسى اكىمى نۇرلان نوعايەۆ بارشا سپورتشىلاردى جەڭىستەرىمەن قۇتتىقتاپ، الداعى جارىستارعا ساتتىلىك تىلەدى.
سونىمەن قاتار، بۇگىن وبلىس اكىمى تاراز جانە پەتروپاۆل قالالارىنداعى نازاربايەۆ زياتكەرلىك مەكتەبىنەن كەلگەن 24 وقۋشىنى كۇتىپ الدى. وقۋشىلار ءبىر اپتانىڭ ىشىندە وبلىسىمىزداعى تاريحي جەرلەر مەن نىسانداردى ارالاپ، تانىساتىن بولادى.