اتىراۋدا بۇلدىرشىنگە قول كوتەرگەنى ءۇشىن سويلەۋ قابىلەتى بۇزىلعان بالالارعا ارنالعان مامانداندىرىلعان بالاباقشانىڭ تاربيەشىسى جۇمىستان قۋىلدى دەپ حابارلايدى Qamshy.kz اقپارات اگەنتتىگى tengrinews.kz مالىمەتىن نەگىزگە الا وتىرىپ.
وسىعان دەيىن بالانى ۇرىپ-سوعىپ جاتقان ءساتتىڭ ۆيدەوسى الەۋمەتتىك جەلىدە تاراپ كەتكەن ەدى. جەلى قولدانۋشىلارى جەرگىلىكتى بيلىك وكىلدەرىنەن مەكتەپكە دەيىنگى مەكەمەنىڭ قىزمەتكەرىنە شارا قولدانۋدى سۇرادى.
وسىدان كەيىن ۆيدەوعا قالا اكىمدىگىنىڭ باسپا ءسوز قىزمەتىنىڭ وكىلدەرى جاۋاپ بەردى.
"قالانىڭ ءبىلىم باسقارماسى تاربيەشىنىڭ ءىسى ءۇشىن كەشىرىم سۇرايدى. سونىمەن قاتار، تاربيەشى ادەپتى بۇزعانى ءۇشىن جانە بالالار مەكەمەسىنىڭ 18.06.2019 جىلدىڭ № 25 بۇيرىعىمەن تاربيەلەنۋشىگە قول كوتەرگەنى ءۇشىن جۇمىستان قۋىلدى. قالالىق ءبىلىم باسقارماسى اتىراۋدىڭ مەكتەپكە دەيىنگى مەكەمەلەرىنىڭ باسشىلارى مەن تاربيەشىلەرىنە قىزمەتتەرىن ادال جانە قىزمەتتىك مىندەتتەرىن دۇرىس اتقارۋ كەرەك ەكەنىن ەسكەرتەدى. ەندى وسىنداي وقيعا قايتالاناتىن بولسا مەكەمە قىزمەتكەرلەرى مەن ونىڭ باسشىلىعى قىزمەتتەن بوساتىلادى"، - دەلىنگەن اكىمدىكتىڭ رەسمي حابارلاماسىندا.
پىكىر قالدىرۋ