ق ر ءبىلىم جانە عىلىم ءمينيسترى اسحات ايماعامبەتوۆ جاس تۇلەكتەرمەن كەزدەستى دەپ حابارلايدى Qamshy.kz اقپارات اگەنتتىگى.
مينيستر نۇر-سۇلتان قالاسى ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتىندە سىناق تاپسىراتىن تۇلەكتەردىڭ العاشقى لەگىن قارسى الىپ، تۇلەكتەرگە ساتتىلىك تىلەدى.
"بۇگىن بالالاردىڭ كوڭىل-كۇيى جاقسى. بارلىعى وتە كوڭىلدى. سەبەبى، وقۋشىلار وسىعان دەيىن بىرنەشە رەت ۇبت وتكىزىلەتىن ورىنداردا ءدال وسىنداي تەكسەرىستەرمەن، ينتەرنەت بۇعاتتاۋشى قۇرىلعىلارمەن تەست تاپسىرىپ كوردى. سوندىقتان، بۇل ولار ءۇشىن قالىپتى جاعداي."، - دەدى مينيستر.
ءمينيستردىڭ ايتۋىنشا، بيىل قازاقستاندا 117 242 تۇلەك ۇبت تاپسىرادى. وسى ورايدا اسحات ايماعامبەتوۆ مەملەكەتتەن قانشا گرانت بولىنگەنىن ايتىپ ءوتتى.
"وتكەن جىلى گرانتتار سانى ءوستى. بيىل دا ءوسۋ تەندەنسياسى ساقتالدى. وسى جىلى 53 مىڭ مەملەكەتتىك گرانت باكالاۆرياتقا ءبولىندى. بۇل بالالارىمىزدىڭ ءبىلىم الۋىنا، جوعارى وقۋ ورنىنا تۇسۋىنە ۇلكەن مۇمكىندىك بەرەدى"، - دەدى ءبىلىم ءمينيسترى.
پىكىر قالدىرۋ