باس پروكۋراتۋرا سايلاۋ كەزىندە قىزۋ تالقىعا تۇسكەن ۆيدەوعا قاتىستى تۇسىنىكتەمە بەردى دەپ جازادى Qamshy.kz اقپارات اگەنتتىگى. قازىرگى تاڭدا سايلاۋ كەزىندە الەۋمەتتىك جەلىگە كەڭىنەن تارالعان ۆيدەولار تەكسەرىلىپ جاتقانىن مالىمدەدى. 

حابارلاماعا سۇيەنسەك، سايلاۋ كەزىندە ەشقانداي زاڭ بۇزۋشىلىق ورىن الماعان. 

"قازىرگى تاڭدا سايلاۋ كەزىندە ب ا ق -تا جاريالانعان بارلىق ۆيدەولاردى تەكسەرىلىپ جاتىر. سونىمەن قاتار الەۋمەتتىك جەلىدە تارالعان بىرنەشە بيۋللەتەندەردى سالىپ جاتقان ۆيدەولار دا تەكسەرىلەتىن بولادى. بۇعان دەيىنگى اقپاراتتىڭ بارلىعى دەرلىك راستالمادى"، - دەلىنگەن حابارلامادا. 

سونىمەن قاتار، اتالمىش ۆيدەولاردىڭ ۋاقىتى مەن ورنىنا قاتىستى اقپارات جوق. باس پروكۋراتۋرا كەز كەلگەن زاڭ بۇزۋشىلىققا قاتىستى شارا قولداناتىنىن جانە بارلىق اقپاراتتار سوتقا جىبەرىلىپ، كىنالىلەر جازاعا تارتىلاتىنىن ايتىپ سەندىردى. وسىعان دەيىن سايلاۋعا قاتىستى 36 اكىمشىلىك ءىس قوزعالعان. قازىرگە دەيىن 30 ءىس قارالىپ، 9 سايلاۋعا قاتىسۋشى مەن 11 كوميسسيا مۇشەسى اكىمشىلىك جازاعا تارتىلدى. 

سايلاۋ كەزىندە بىرنەشە سايلاۋعا قاتىسۋشىلار ءوزىنىڭ تۋىسقاندارىنىڭ اتىنان داۋىس بەرمەك بولعانى انىقتالعان. مۇنداي زاڭ بۇزۋشىلىقتار الماتى وبلىسىندا، شقو-دا، تۇركىستان وبلىسى مەن نۇر-سۇلتان قالاسىندا ورىن العان.