ءبىزدىڭ كونستيتۋسيامىزدا ءبارى دە اتاپ كورسەتىلگەن. ەلدە كونفەسسياارالىق تاتۋلىق پەن كەلىسىم بار. مەملەكەت دىنگە ارالاسپايدى، ءبىراق ءبارى دە زاڭدىق جولمەن جۇزەگە اسۋىن قاداعالاپ وتىرادى.

ازاماتتاردىڭ ءبارى دە تەڭ قۇقىلى. اتا زاڭ ازاماتتاردىڭ قۇقى مەن بوستاندىعىنا كەپىلدىك بەرەدى. بۇل كونستيتۋسيادا عانا ەمەس، 2010-2020 جىلدارعا ارنالعان قۇقىقتىق ساياسات تۇجىرىمداماسىندا دا اتاپ كورسەتىلگەن.

ال ۇلتتىق كەلىسىمدى نىعايتۋدا اسسامبلەيانىڭ ورنى ۇلكەن. قازاقستان زايىرلى مەملەكەت. قازىرگى ۋاقىتتا اسسامبلەيا ەلدەگى تاتۋلىقتىڭ ۇلگىسىنە اينالدى.

اسسامبلەيانىڭ باستى مىندەتى نە؟ ەڭ الدىمەن،  مەملەكەتتىك ۇلتتىق ساياساتتى جۇزەگە اسىرۋ، ەلىمىزدە  قوعامدىق-ساياسي تۇراقتىلىقتى قامتاماسىز ەتۋ. مۇنداي ىرگەلى مارتەبەنى الەمنىڭ ەش ەلىنەن تاپپايسىز. ءتىپتى قازاقستاننىڭ اسسامبلەياسىن «كىشى بۇۇ» دەپ اتاعانى دە بەلگىلى. كورشى رەسەي قازاقستانداعى تاتۋلىقتى ۇلگى ەتىپ، وزدەرىندە  دە اسسمبلەيا قۇردى. ءقازىر قازاقستانداعىداي جەمىستى ەڭبەك ەتىپ جاتىر.

قازاقستان حالقى اسسامبلەياسىن قۇرۋ – بۇل پرەزيدەنت نۇرسۇلتان نازاربايەۆتىڭ يدەياسى. وعان ارنايى مارتەبە بەرۋ تۋرالى ەلباسىنىڭ جارلىعى دا شىقتى. كەيىننەن اتازاڭعا  وزگەرىستەر ەنگىزىلدى. قازاقستان حالقى اسسامبلەياسىنا مارتەبە بەرىلدى. ءقازىر پارلامەنتتە اسسامبلەيانىڭ 9 وكىلى بار. ءسويتىپ، اسسامبلەيانىڭ ساياسي ءرولى ارتتى. 2008 جىلى پرەزيدەنت «قازاقستان حالقى اسسامبلەياسى» تۋرالى زاڭعا قول قويدى. بۇعان دەيىن الەمدە مۇنداي ۇيىمنىڭ قۇقىقتىق بالاماسى بولماعان. ءقازىر اسسامبلەيا قازاقستانداعى ەتنوسارالىق كەلىسىمدى، تولەرانتتىلىقتى جانە حالىق بىرلىگىن

نىعايتۋعا بار كۇشىن جۇمىلدىرىپ وتىر. مۇندا رەسپۋبليكامىزداعى ەتنومادەني بىرلەستىكتەر قىزمەت ەتەدى. اتالعان بىرلەستىكتەرگە ارنايى عيمارات بەرىلگەن. ولارعا مەملەكەت بارىنشا قولداۋ كورسەتۋدە. ەتنومادەني بىرلەستىكتەر دە مەملەكەت ساياساتىن قولداپ، ەلباسىنىڭ تاپسىرمالارىن تياناقتى ورىنداۋدا.

اسسامبلەيا قازاقستاندا تۇراتىن بارلىق ازاماتتاردىڭ  قۇقىقتىق مادەنيەتىن قالىپتاستىرۋعا كوپ كومەك كورسەتىپ وتىرعانىن اشىق ايتۋىمىز كەرەك. ەلدە تىلدىك قىسىم كورىپ جاتقان ەشكىم جوق. ءداستۇر وركەندەپ، ءار دياسپورانىڭ قۇقى ساقتالىپ وتىر. الەمدە بالاماسى جوق مۇنداي ۇيىمنىڭ ىرگەلى جۇمىستارىن قازاقستان حالقى دا قولدايدى. قۇقىقتىق ساياسات تۇجىرىمداماسىندا ۇلتارالىق تاتۋلىق ماسەلەسىنە كوپ كوڭىل بولىنگەن. بىزدە اراز ۇلت جوق. تاتۋلىق بار جەرلە تىرلىك تە دۇرىستالادى. ەلىمىزدەگى ساياسي تۇراقتىلىق – ءبىزدىڭ ەڭ باستى بايلىعىمىز. ەلىمىزدىڭ تۇڭعىش پرەزيدەنتى نۇرسۇلتان ءابىش ۇلى نازاربايەۆ ءقازىر اسسامبلەيانى باسقارىپ وتىر. ەلباسىنا قازاقستان حالقى اسسامبلەياسىن ءومiر بويى باسقارۋ قۇقى بەرىلگەن. ارينە بۇل –زور مارتەبە.

اسسامبلەياسىنىڭ ماجىلىستەگى 9 دەپۋتاتى بارلىق دياسپولاردىڭ مۇددەسىن قورعايتىنىن اتاپ وتكەن ءجون.

تاعى ايتا كەتەتىن ءبىر جايت، بىزدە  العىس ايتۋ كۇنى بار. بۇل –ەلىمىزدەگى «نۇر وتان» پارتياسىنىڭ قۇرىلعان كۇنى.

–بۇل مەيرامنىڭ تەرەڭ ماعىناسى مەن ءمانى بار. 1 ناۋرىز جالپى كوكتەمنىڭ ءبىرىنشى كۇنى، بارىمىزگە دە كوڭىلدى كۇن، قىستان شىققان كۇن. 1 ناۋرىز سان عاسىردان بەرى جالعاسىپ كەلە جاتقان ىزگىلىكتىڭ مەرەكەسى، ناۋرىز مەيرامى اتالىپ وتىلەتىن شۋاقتى ايدىڭ باسى. مۇنداي كەزدە ادامداردىڭ بىر-بىرىنە العىسىن ءبىلدىرىپ، وزدەرىنە جاساعان جاقسىلىقتاردى ەسكە الۋى اسا ماڭىزدى. بۇل جاقسىلىقتى باعالاي بىلۋگە، وعان جاقسىلىقپەن جاۋاپ قايتارۋعا، ءوزارا سىيلاستىق پەن قۇرمەتكە باستايدى. قۇندىلىقتاردىڭ قادىرىنە جەتە العان ەلدىڭ كەلەشەگى كەمەل. مەن العىس ايتۋ كۇنىن وسىنداي ماقساتپەن بەلگىلەدىم. -دەدى  تۇڭعىش پرەزيدەنتىمىز، ەلباسى نۇرسۇلتان نازاربايەۆ.

دەمەك، اسسامبلەيادان باستاۋ العان دوستىق، ىنتىماق، ءتاتۋ-تاتتى، بىرلىك، مۇنىڭ بارلىعى قازاقستاننىڭ الەم ۇلگى الارلىق ساياساتىنىڭ ناتيجەسى.

اۆتور: جۇلدىز مۇقانوۆا