رەسەي فەدەراسياسىنىڭ پرەزيدەنتى ۆلاديمير پۋتين اتتاسى زەلەنسكيي جايىندا پىكىر ءبىلدىرىپ، ەلدى كۇلكىگە قارىق قىلدى دەپ حابارلايدى Qamshy.kz اقپارات اگەنتتىگى ريانوۆوستي سايتىنا سىلتەمە جاساپ.

حالىقارالىق پەتەربۋرگ ەكونوميكالىق فورۋمىندا رف پرەزيدەنتى ۆلاديمير پۋتين ۋكرايناداعى پرەزيدەنتتىك سايلاۋ ناتيجەلەرىندە جەڭىسكە جەتكەن  شوۋمەن ۆلاديمير زەلەنسكيي جونىندە العاش رەت ءوز ويىن ءبىلدىردى.

• “تىڭداڭىزدار، مەن بۇل ادامدى تانىمايمىن. ءبىر كۇنى تانىسامىز دەپ ۇمىتتەنەمىن. ءبىر بىلەرىم – ول جاقسى اكتەر جانە ءوزى جۇمىس ىستەگەن ايماقتاعى مىقتى مامان”، - دەدى ول.

ءپۋتيننىڭ بۇل سوزىنە كۇلگەن زالداعىلار قول شاپالاقتادى.

• “مەن شىن ايتامىن، ال سەندەر كۇلەسىڭدەر”، - دەپ ءسوزىن تولىقتىردى رەسەي پرەزيدەنتى.

رەسەيلىك بەلسەندى ساياساتكەرلەردىڭ پىكىرىنشە، جاقسى اكتەر بولۋ ءۇشىن وتە تالانتتى بولۋ كەرەك جانە تالانتىن تۇرلەندىرىپ وتىرۋى قاجەت. ال مەملەكەت ىسىمەن اينالىسۋ ءۇشىن باسقا قابىلەت قاجەت بولادى-مىس.

اۋدارعان: اقجىبەك ارالبەك