ديماشتان رەسەيلىك شوۋ بيزنەس وكىلدەرى قورقادى دەپ جازادى Qamshy.kz اقپارات اگەنتتىگى. بۇل تۋرالى تانىمال رەسەيلىك بلوگەر مالىمدەدى. 

"مەن مۋزتۆ پرەمياسىن كوردىم. ديماشتىڭ 2 ءانىن اۋزىمدى اشىپ، تامسانىپ تىڭدادىم. قازىرگى تاڭدا بۇكىل الەم ديماش تۋرالى بىلەدى. ءبىراق مەن كوپتەگەن قاراپايىم ادامدار سەكىلدى مۋزىكالىق ارنانى قوسسام، ديماشتىڭ بەينەباياندارى كورسەتىلمەيدى. نەلىكتەن؟ سۋپەرتالانت، ءتىپتى ميلليونداعان جانكۇيەرى بار الەمدەگى ءبىرتۋار ءانشىنىڭ بەينەباياندارى تەلەارنالاردان بەرىلمەيدى. مەن ونىڭ ءانىن تىڭدادىم. تاڭعالدىم. بىرنەشە كۇن بۇرىن بولعان مۋزتۆ پرەمياسىندا رەسەيدەگى بۇكىل انشىلەر ديماشتىڭ ءانىن تىڭداپ، جەر بولدى. ولار قانشا تاتۋيروۆكا سالدىرسا دا، قالاي بيلەسە دە ديماشتىڭ دەڭگەيىنە جەتە المايدى. ديماش دەنى دۇرىس كوستيۋم كيىپ، جاندى داۋىستا ءان ايتتى. الەمدەگى اڭىز ادامدار سەكىلدى ءان ايتىپ شىقتى. ال قازىرگى انشىلەر ساحنانى قورلاپ ءبىتتى. ولار تەك شەشىنۋ ارقىلى حالىقتىڭ نازارىن اۋدارامىز دەپ ويلايدى. ايەلدەرى دە، ەركەكتەرى دە شەشىنۋدەن جارىسىپ ءجۇر. ساحنانى جىن ويناققا اينالدىرىپ، ونەردى قورلاپ ءبىتتى. مەنىڭشە مۋزتۆ پرەمياسىندا ەڭ قاراپايىمى ديماش بولدى. قاراپايىم ادامدار سەكىلدى ساحناعا شىعىپ ءان ايتتى. ءبىراق قالاي ونەر كورسەتتى؟! كورەرمەندەردىڭ ءبارى دەمالدى، راحاتتاندى. ءبىراق نەگە ونىڭ حيت اندەرى مەن بەينەباياندارىن تەلەارنالاردان كورسەتپەيدى؟ ديماشتىڭ فانتاستيكالىق بەينەباياندارى قايدا؟ بىزدە كىم ەرىنبەيدى، بەينەبايان تۇسىرەدى. تاڭەرتەڭ تىڭداسا، كەشكە ۇمتىلىپ كەتەدى. مەن ديماشتىڭ اندەرىن تىڭداعىم كەلەدى، بەينەباياندارىن كورگىم كەلەدى. راديودان دا ديماشتىڭ اندەرىن تىڭداي المايمىن. ەش جەردە جوق. امەريكادا، قىتايدا، قازاقستاندا، انگليادا بار. رەسەيدە جوق. نەگە؟ حالىقتىڭ كوبىسى ديماشتىڭ اندەرىن ينتەرنەتتەن، Youtube-تان تىڭداپ ءجۇر. سول سەبەپتەن دە كورىلىم سانى كوپ. ال ءبىزدىڭ تەلەارنا مەن راديو اقشا تىقپالاعانداردىڭ تۇككە تۇرعىسىز اندەرىن جارنامالاعاندى جاقسى كورەدى. بۇل باسسىزدىق قاشانعا دەيىن جالعاسادى؟ كەيبىر راديودا 20 ءاندى قايتالاپ تىڭداۋعا تۋرا كەلەدى. قاشان ءبىز داۋسى جوقتاردى ەمەس، تالانتتى انشىلەردى دۇرىستاپ باعالاۋدى ۇيرەنەمىز. ديماشتى بۇكىل الەم بىلەدى. سونداي-اق ول ءوزىمىزدىڭ باۋىرلاس ەلدىڭ، قازاقستاننىڭ ازاماتى. نەلىكتەن كەي ادامدار ديماشتىڭ اندەرىن تانىمال ەمەس دەيدى. سەبەبى ولار ءۇشىن قول-اياعىن قيمىلداتىپ، تۇنگى كلۋبتا بيلەيتىن اندەر عانا تانىمال. ال ديماشتىڭ انىنە ءسىز بيلەي المايسىز. سەبەبى ونىڭ ءانىن تىڭداۋ دارەجەسىنە جەتۋ ءۇشىن ءوزىڭىزدىڭ دەڭگەيىڭىز جوعارى بولۋ كەرەك. ديماشتىڭ اندەرى قازىرگى شوۋ بيزنەستىڭ اۋديتورياسىنا ارنالماعان. ءبىراق مەن بارلىق تەلەارنالاردان ديماشتىڭ ءانىن كورسەتىپ، راديولاردان ديماشتىڭ اندەرى جىبەرىلسىن دەپ تالاپ ەتەمىن. كوپشىلىك شەشىنگەن قىزداردىڭ اندەرىنەن، تۇككە تۇرعىسىز بەينەبايانداردان، ماعىناسىز اندەردەن جالىقتى. ءتىپتى حالىقتىڭ مۇندايدى كورۋگە ەتى ۇيرەنىپ كەتتى. ال بۇل وتە ءقاۋىپتى.  حالىقتى جاپپاي ساۋاتسىز قىلعىلارىڭ كەلمەسە ديماشتىڭ ونەرىن كورسەتۋدەن شارشاماڭىزدار. حالىق ديماشتىڭ اندەرى ارقىلى تاربيەلەنەدى، مادەنيەتتى ءارى ساۋاتتى بولا باستايدى"، - دەيدى بلوگەر.